المساعد الشخصي الرقمي

مشاهدة النسخة كاملة : رد على الأخ ولد الزيلعي


ka3bat al-razaya
03-04-2007, 04:10 PM
السلام عليكم


يسعدلي صباحكم ومساكم يا رب

إنشالله تكونون كلكم بخير وصحة وسلامة:36_2_55:

هذا بصراحة رد (( أو تاييد )) لمشاركة الأخ ولد الزيلعي حول موضوع الحجاب !!
:36_2_51:


قبل ما نبدي موضوعنا أحب أذكر لكم هالقصتين لبنتين أعرفهم (( وتقدرون تقولون صديقاتي )) واللبيب بالإشارة يفهم (( وإنتم ما شالله عليكم لبيبين )) إنشالله تفهمون قصدي من ورا هالقصتين .. :36_3_3: :36_3_1:

تفضلوا :

البنت الأولى (( ج)) بنت (( سفوور )) يعني مو متحجبة ، والحين عمرها تقريباً 18 سنة ، وللحين ما تحجبت ولا تفكر حالياً (( مع إنني كلمتها بهالموضوع وااااااااااااااايد )) بس معنده .. المهم هالبنت قمة في الأخلاق .. وسمعة ولا أروع .. لبسها محتشم واسع طويل (( مع إنها مو متحجبة )) .. وعمرها عمرها ما إنجابت سيريتها إلا بالخير ولا أذكر إن بيوم تحرش فيها واحد من الشباب وإلا أذاها أحد (( لأنها باختصار محترمة نفسها .. واللي يحترم نفسه يفرض احترامه على غيره )) بس المشكلة إن اللي يشوف هالبنت يقووووول اسكت هذي مو مخليه شي مو سويته .. مو مخليه شباب مو مواعدتهم و....... و......... كلام وااااااااااايد .. وإشاعات أكثر .. بس من يقعدون معاها يغيرون رايهم لأنها وحده ملتزمة بدينها وصاينه شرفها ونفسها .:0993:


وفي المقابل رفيجتي ((د)) وللأسف كانت أعز صديقة عندي .. كانت بدوية ومن طبايع البدو إن البنت مو بس تتحجب (( تلبس عبات ونقاب )) وهالبنت دايماً من تشوفها عباتها على راسها والنقاب مغطي ويهها .. أبد ملاك ومقعّدة .. حتى إن كل الأمهات يقولون حق بناتهم ليتكم كلكم حياويين وتستحون مثل ((د)) كانت تقص عليهم بهالستر (( الخارجي )) لتستر فضيحة ((تحت ذلك النقاب )) بس هم إشدراهم ؟؟:thumbsup: :thumbsup:


يا غافلين لكم الله .. الكل يقوم ويقعد ويمدح فيها .. وهي بس تطق الساعة 12 بالليل .. تلبس أحلى ما عندها .. وتحط هالميك أب (( فل )) .. وتسرح شعرها .. بعدين تلبس هالعباة وتنزل (( مثل الحرامية )) وتطلع مع صاحبها .. ويروحون مخيمات وخرابيط وسوالف (( أنتم أكرم من أن تسمعونها )) وما ترد إلابطلعة الشمس وظلت جذي سنتيتن .. من غير محد يحس فيها .. أو حتى يشك .. لين ما ربك سبحان الله بغى يفضحها .. مرة وهي رادة .. صادف إن أبوها كان توه راد من المسجد بعد ما صلى الفجر .. وصار اللي صار .. وأبوها لزم على الولد إنه ياخذها غصب بس عشان سمعة العايلة .. وفعلاً تزوجوا بس كان زواجهم أقصر زواج عرفته بحياتي (( يوم واحد بس )) من صبّح ثاني يوم طلقها .:36_2_21: :36_2_20: :36_2_58:


المهم .. اللي حبيت أقوله إن الحجاب مو دليل كافي على عفة البنت وأخلاقها .. ياما في بنات سفووور بس ما شالله عليهم ملتزمين بالدين أكثر من غيرهم المتحجبات .. آنا ما قول جذي عشان أدافع عنهم بالعكس .. بس صدقوني اللي ما تتحجب عن اقتناع وحب لهالشي .. عمرها ما راح تحافظ عليه ..

(( أكرر )) آنا ما أدافع عن البنات السفوووور .. بالعكس آنا كلمت كل البنات اللي أعرفهم والحمد لله تحجبت 3 بنات عقب ما كلمتهم .. وآخر وحدة بنت عمي تحجبت أول محرم اللي طاف ..و آنا عن نفسي تحجبت وكان عمري 8 سنوات حباً ورغبة بالحجاب ، ووقتها كل الأهل رفضوا هالشي حتى أمي وأبوي بس عاندتهم .. وتخيلوا (( شبر )) غصب أبين من على الأرض ولابسة حجاب .. ؟؟ (( نكتة )) بس الحمد لله هالشي .. حافظ على سمعتي .. وخلاني مضرب مثل على لسان كل الأمهات (( وبصراااحة هذا شي أفتخر فيه ))

أدري عورت راسكم .. وصدعتكم .. بس أخواني كل اللي حبيت أقوله إن الحجاب (((واجب))) وأمر فيه ربنا سبحانه وتعالى .. واللي ما تلبسه تعتبر عاصية لأمر الله .. بس بصراحة ما أشوف إن لك حق (( يا ولد الزيلعي )) إنت أو غيرك احتقار هالبنات لأنهم ما يضرون أحد غير نفسهم ، اللهم إلا البعض اللي نشوفهم عندنا مرات (( لا بصراحة يتجاوزون الحد المعقول )) .. بس هم مو من حقنا إنا نكلمهم أو نقولهم شي دام أهلهم وأولياء أمورهم راضين ..

كل اللي أقدر أقوله ومن واقع معايشتي كبنت متحجبة وعن تجربتي الخاصة وخبرتي القصير بالحياة (( إن العلم في الصغر كالنقش على الحجر )) و(( من شبّ على شيء شاب عليه )) فاللي تعودت من وهي صغيرة على الستر .. والعفاف أمها ما تلبسها (( حفر )) ولا قصير ولا ملابس ضيقة .. تكبر وهالشي (( محفور )) بمخها .. مستحيل أقرب يم هالشغلات مهما صار ..

بس لا والله إللي تعودت وهي صغيرة دايماً (( شورت )) و (( ميني جوب )) وملابس ضيقة .. و(( حفر )) تكبر وهي تعتقد إن هالشي عادي .. لأنها تربت عليه .. وحتى لو ييت الحين تبي تنصحها .. تفهمها .. تقولك ما أقدر .. ما أقدر أتخيل نفسي .. ما ألبس هالشغلات تعودت ..
ولو أمها كلمتها وإلا أبوها تقولك : (( دامه غلط وعيب ليش ربيتونا عليه وخليتوا هالشي يكبر معانا ؟؟ ))

فإلى أولياء الأموور أوجه كلمتي (( أبناؤكم أمانة في أعناقكم ))


وأبي أوضح نقطة مهمة (( حيــــــــــــل )) وقلتها واااااااااااااايد لرفيجاتي المو متحجبات :


(( إن الحجاب مو ضروري يكون عباءة وإلا (( حجاب أمي العودة )) وألوان تضيق الصدر ، بالعكس لبسي اللي تبين .. واللون اللي تحبين والموديل اللي يعجبج .. واتبعي آخر صرعات الموضة بشرط

** ما يكون ضيق و (( لازق بالجسم ))
** ولا يكون شفاف (( يشف الجسم ))
** ولا يكون ملفت للنظر
** ويكون طويل ومستور ..

وبالنسبة للشيلة ..

لبسي اللون اللي تحبين .. وبالطريقة اللي تحبين .. وبأي موضة وماركة ودج ..

بس بشرط

** يكون ساتر للشعر والنحر وصفحة الوجه (( الوجنتين ))

بس هذا هو الحجاب (( شحليلة )) بسيط وذرب .. وبيني وبينكم يا بنوووتات (( الحجاب يوفر عليكم الفلوس اللي تقطونها عند الكوافيرة كل يوم عشان التسريحات اللي ما تطول يوم واحد )) بهالفلوس تشترين لج جم بدلة وجم شيلة تلبسينهم وااااااااايد أبرك لج ..
:36_2_49: :36_2_4:


بعد كل هذا وللحين في بنات ما يحبون الحجاب .. ليــــــــــــــــش ما أدري ؟؟ يقولون _ مو آنا اللي أقول _ يخرب البرستيج ؟؟ يخلي الناس تضحك علينا ؟؟ ويقيد ؟؟ ما نقدر نلبس اللي نبيه ؟؟ ما نقدر نكشخ ونتزقرت ؟؟



وأقول لا والله الحجاب (( يحلي البرستيج )) وتقدرين يالحلوة تسوين لج (( ستايل )) حلو و(( مودرن )) وإنتي ملتزمة بحجابج الإسلامي (( مو حجاب هالأيام اللي هابين فيه عندنا بالكويت )) .. وبالعكس الناس تحترمكم وتقدركم لما تكونون متحجبات (( أول ما تيي وحده بتخطب لولدها أول سؤال : متحجبة وإلا لأ ؟؟ )) لأن الحجاب يضمن العفة والستر (( طبعاً في ناس شوهوا هالمفهموم الله يسامحهم )) واللي تقول الحجاب يقيد أقولها بالعكس يا قلبي .. لبسي اللي تبين مثل ما قلنا بس بالشروط اللي ذكرناها .. هذا إذا كان ودج تلبسين .. أما إذا قصدج (( تتعرين )) بتنانير قصيرة وميني جوبات لأ حبيبتي هذا مو بس الإسلام يرفضه حتى المجتمعات الغربية (( اللي تموووووووتون عليهم )) يرفضون هالشي ويشوفون البنت اللي من هالنوع (( سوري عاللفظ : ساقطة ))

وإذا تقولين ما نقدر نكشخ ونتزقرت أقولج يا قلبي حق منو تتزقرتين ؟؟ لي هالدرجة لحمج رخيص عندج ؟؟ لي هالدرجة مستعدة تبيعين نفسج عشان كلمتين حلوين من (( مغازلجية نصابين )) يقصون عليج فيهم .. حبيبتي .. كلنا نعرف إن (( كل البنوتات )) يحبون يكشخون ويتزينون ويحسون بأنوثتهم .. بس يا قلبي كل شي بوقته حلو ..

ما أخبي عليج إنج تكونين حلوة وعسووووووووولة لما تهدين شعرج على أكتافج .. ولما تتزينين بألوان الميك أب .. ولما ترشين أغلى وأطيب عطر .. وتلبسين أحلى وأقصر تنورة ..ما أقولج مو حلوة بالعكس (( حلوة )) و(( تطيحين الطير من السما )) بالضبط مثل (( الروزة )) اللي بالبستان (( حلوة وريحتها حلوة وتجذب الأنظار ومستحيل تمرين يمها من غير ما يجي شي بقلبج إنج ودج تاخذينها ويمكن تمدين إيدج وتقطفينها .... وبعدين ؟؟؟؟؟ )):i: :11_daisy: :kiss: :rose:

شفتيها ؟؟ شميتيها ؟؟ شبعتي منها ؟؟ خليتيها يمج يوم ويومين وبعدين؟؟ ذبلت صح ؟؟ مليتي منها صح ؟؟ وبالنهاية قطيتيها هذي إنتي يا الغالية (( مثل الوردة )) لا صرتي سفور .. الكل يشوفج .. والكل يشمج .. وبسرعة يقطفج .. ويستمتع بريحتج وحلاتج .. ولا ذبلتي .. قطوج

بس لو إنج متحجبة تكونين (( مثل الدانة )) أو اللؤلؤة .. وحجابج إهو (( المحارة )) اللي تحميج .. ما يشوفج إلا اللي يتعنالج .. وما يتهنى فيج ويستمتع بثمنج الغالي إلا اللي يشقى عشان يوصلج .. وعمره .. عمره ما يبيعج .. لأنج (( الدانة )) اللي يفتخر الغواصين لا جابوا وحده منهم بس ..:i: :icon_redf :icon_roll


والحين يا بنوووووووووتة شنو ودج ؟؟ تكووووووووونين وردة أو داانة ؟؟؟ :thumbsup: :thumbsup:


تحياتي

أختكم
ma63oona b3'dr
مطعوونة بغدر

جارية الحسن
03-04-2007, 04:35 PM
اللهم صلي علىمحمد وآل محمد وعجل فرجهم واجعل فرجنا مع فرجهم ياكريم................
اختي احنال يمكن في مجتمعنا ما نلقى بنت مومتحجبة بتاتا" تعرفين احنا في السعودي غير عن دول الخليج لكن نتكلم بصفة عامة اان البنت تحافظ على شرفها عن طريق التزامها بالحجاب"
لانهاتعتبركا الجوهرة الغالية الثمن التي توضع في صندوق يستطيع الكل مشاهدتها ولكن لاحد يستطيع ان يسرقها وهي في هذا المكام الامين

فهذا هو الحجاب اعتبره كا الصندوق الموضوع بداخله تلك الجوهرة لايستطيع احد ان يفتتن بجمال الجوهرة "


اما با النسبة لي انسانة ملتزمة با الحجاب ولكن" فلتة"والغير ملتزمه با الحجاب"يعني عارفة دينها عدل "
وهذا ينطبق "لكل قاعده شواذ"

هذا يرجع الى القلب إذا موجود في القلب مخافة اللة عزوجل,اما إذا كانت منزوعه"

"إذالم تستحي فصنع ماشئت"


وتقبلي تحياتي.........

ka3bat al-razaya
03-04-2007, 04:48 PM
مشكوووووووووووووورة يا بعد قلبي


والحمد لله (( هذا من فضل الله )) ما تشوفون المناظر (( المقززة )) أحياناً اللي نشوفها .. وبشكل يومي .. لا والحين في بنات وشباب هابين بطلعات يديدة (( بنات مسترجلات )) أو بلهجتنا (( بويات )) وشباب نوااااااااعم


تخيلي بس يا إختي .. لو إنتي مكاني ومضطرة تعايشين هالأشكال بشل يومي .. شيتسوين؟؟

ولد الزيلعي
03-04-2007, 06:35 PM
السلام عليكم ورحمه الله وبركاته

أختي ma63oona b3'drأنتي تقولي تلبس اللون ألي يعجبها بس ألإلوان هذا الزمان
بنكي
فوشي
كلين وحركات الموضهبس هنا في السعودية الشباب بكل صراحة (( أنا ماني منهم)) يشوف زي الألوان هذي شوي وينصرع
تقوليله ليش يقول شوف العباية طول راح ورها (( بكل بساطة الرقم)) حتى لو كانت محترمه نفسها بس لابسه هذي الألون بيطاردها زي ما قلت لكن لو لبست الحجاب الأسود ومشيت مشية محترمة محد بيكلمها
وهذا الكلام بشوفة بحياتي اليومية وقدام عيني وأعين الناس في السوق ولا في الشارع ليش بسبب اللبس ولو تقول للشاب ليش تغازل يقول شوفها كيف شوف لبسها ((((((((((((((((((( بكل صراحه ))))))))))
* ملفتة للأنضار صح ولا ( لا )


ألبس اللون الأسود أقتداء بسيدة نساء العالمين فاطمة الزهراء (عليها السلام)


أسف أذا طولت عليكم

ka3bat al-razaya
03-04-2007, 06:59 PM
مشكلة الشباب (( المغازلجية )) عندكم بالسعودية أشهر من نار على علم يا ولد الزيلعي ..

وبصراااااااااحة (( بشكل رهيــــــــــــــــــــــب ومقزز بعض الأحيان )) وآنا مرة انحطيت بموقف مع واحد من الشباب السعوديين (( اللي أكيد ما يمثل الشباب السعودي بس للأسف واحد منهم )) مع إني كنت لابسه العبات والشيلة السودا .. وماشية بكل احترام (( والله )) إني حتى ما كنت أتلفت ولا شي بس الأخ (( قليل حياء )) شتسويله ؟؟

بس لما طولها .. وتمادى بصرااحة سويت شي ما كنت أتوقع إني بيوم ممكن أسويه لأحد (( طقيته طراق على وجهه )) شلوون ؟؟ ومتى ؟؟ ما أدري ؟؟ حركة لا إرادية (( إيدي يت على وجهه ..طراااااااااق )) .. وقعدت أقوله .. ما تخاف على خواتك ؟؟ ترضى أحد يمشي ورا إختك ويلاحقها ؟؟ طبعاً ما رد ومشى ..


صج إن الشباب اللي عندنا (( مو مقصرين )) في قلة الأدب وقلة الحيا .. بس عالاقل ما توصل لمواصيل الشباب اللي في السعودية (( مع احترامي .. فأنا لا أقصد الكل )) بس تقدر تقوول الأغلبية ..



وعمري .. عمري ما طبيت المملكة إلا وصار لي موقف مع شباب !! سبحان الله .. مشكلتي إني آنا من النوع اللي شوي (( عصبية ))

وبصراااااااحة أتنرفز .. وأعصب (( يقولولي حقريهم جنج ما تشوفينهم )) بس ما أعرف .. لازم أطلع اللي بقلبي ...


أمووووووووووت وأعرف هالبشر ما سمعوا بمثل (( كما تدين تدان )) مثل ما اليوم يأذي بنات الناس باجر يجيه من يأذي بناته .. الله يصحّي الميانين .. ويهديهم


ومشكووووووووور يا خوي على مشاركتك وتواصلك الدائم .. عسانا ما ننحرم تواصلك .. وإنشالله دوم تشرفنا بمرورك في مشاركاتنا ..


موفق إنشالله ... لكل خير

ka3bat al-razaya
03-05-2007, 09:17 PM
أحب أضيف شغلة (( مهمة ))

إن الألوان الموضة (( بنكي ، فوشي ، أورنج )) ألوان يهال .. واللي تلبس هالألوان (( بشكل مبالغ فيه )) بصرااحة وبلهجتنا المحلية (( هيلقية ))يعني وحده ما عندها ذوووق ..

أما الألوان الهادية (( الوردي الفاتح ، البيبي بلو ، بيجي ، .. وباقي الألوان )) فهي حلوة وبسيطة وتكسب صاحبتها الاحترام .. أما اللي تلبس على سبيل المثال (( تنورة فوشي ، وبلوزة فوشي ، وشيلة فوووشي )) هذي بصرااااااااااحة (( إِشارة مروور متنقلة ))


أتمنى أشوف ردودكم تنور الشاشة .. سواء مؤيدين أو معارضين

إبن العوالي
04-03-2007, 07:32 PM
مشكورة اختي على الرد


إبن العوالي

ابراهيمو
04-03-2007, 09:41 PM
الله يغربلكـــم ياشبابــ السعودية شوهتوا سمعتنا ...........


نفسي بس اعرف باي بلـــد بالعالم لنا سمعه حلوة :h:




المهم .. اللي حبيت أقوله إن الحجاب مو دليل كافي على عفة البنت وأخلاقها ..



موفقين جميعا الى كل خيررر

ka3bat al-razaya
04-05-2007, 11:16 AM
لا لا .. حشا يا أخووي ابراهيم


عاد مو لي هالدرجة ..

المثل يقول : لو خليت خربت ...


وأكيد وبكل مكان بالعالم (( في الزين وفي الشين )) في الطيب وفي الخبيث


بس المشكلة إن الشر يعم .. وعيااال الحرام ما خلوا لعيال الحلال شي


بس أرجع وأقوول (( لو خليت خربت )) والمملكة ولله الحمد أكيد فيها (( شباب محترمين )) و(((تكانة ))) بلهجتنا المحلية يعني ثقال ..


والله يسامح (( هالمستهترين )) ذوي العقول والقلوب الفارغة .. وما أقوول غير الله يهديهم ويصلح حالهم ... ويكفينا شرهم ...

ولد الزيلعي
04-05-2007, 11:40 AM
شباب السعودية طول عمرهم يعتدلون واتحدى

لأنهم يطاردون اهوائهم

ka3bat al-razaya
04-05-2007, 11:58 AM
ممكن سؤال ؟؟


شنو يعني (( يعتدلون )) ؟؟؟؟


تدري غشيمة ؟؟؟

ولد الزيلعي
04-05-2007, 02:36 PM
هذي اصول الهجه الحجازية

يعني يمشو في الطريق الصحيح

ولا يعرفو طريقهم

ka3bat al-razaya
04-05-2007, 05:24 PM
شكراً


ومنكم نستفيد


بصرااحة (( ودي من زمان )) أتعلم اللهجة الحجازية (( كثقافة ))


بس ما صارت لي فرصة ..

كل يوم عاشوراء
05-06-2007, 03:33 PM
اختي الكريمة موضوعك مهم جدا واقدر لك عملك بي بما انو البنت السفوور محترمة وبتخاف الله و بتطيعو . . . ليه حتى ما تقرأ عن رسول الله و عن الائمة وما اتوا به من روايات بإلزامية الحجاب و تتحجب .
اكثرهم يحتجّ بالقناعة وهذا بحد ذاته يدل على ضعف بالايمان برايي لأن القناعة بالحجاب هي قناعة وإيمان بالله تعالى .
اما عن البنت المتحجبة واللتي لا تسير على ما يملي عليها حجابها فهذا ليس بحجاب , انما هو من ضمن الموضة الدارجة
هذا رايي الخاص بكل اختصار واحترام وارجو التقبّل
السلام عليكم :)

ka3bat al-razaya
05-07-2007, 09:27 PM
بكل احترام ومحبة أتقبل رأيك أخي (( كل يوم عاشوراء ))


أشكرك ... على التشريف

نواره
05-20-2007, 11:25 PM
أختي الرائعه والمتميزه ka3bat al_razaya

الا لتزام با الحجاب دليل على ألتزام الفتاه

ومثل ما نقول ( كل إناءٍ بما فيه ينضح )

وكما ذكر الأخوه قبلي إذا كانت ملتزمه دينيا ألا

تقرأ الاحكام الواجبه عليها لذا تبقى حتى لو كانت خلوقه

وملتزمه يبقى التخلي عن لبس الحجاب ذنب كبير

وأختلاف الحجاب أقصد الحجاب العام وليس حجاب الوجه يختلف

والمراجع تختلف أيضا في التحليل والتحريم

في مسألةإظهار الوجه واليدين



وأحنا هنا في السعوديه البنت اللي تتحجب أو
تتلثم أقصد تلثم وجهها با الشيله

تعتبر بنت غير محترمه عند البعض

لا وأبشرج منطقتي النقاب عندهم

عيب وإذا لبست النقاب وعيونها باينه

لا تلوم إلا نفسها إذا أحد غازلها أو ضايقها

والشنطه اللي تطلع بشنطه ماهي سوده أوكحليه

أو بنيه يا ويلها

أنا شخصيا مره شريت شنطه بيضه للجامعه

أخوي سوى عليها سالفه والسي أن أن بعد حطت المشكله

ومنها حرمت أشتري لون غير الاسود
مع أنه يعرف أني ملتزمه بس على قولته الشباب يفهموها غير

اللي أبي أقوله أن المتحجبات عندكم لهم حجابهم اللي يختلف شوي

عن طريقة الحجاب عندنا في الأحساء أو في المدينه المنوره

لكن كله يصب في هدف ستر المرأه والأختلاف فقط في أظهار الوجه واليدين


أختي بغيت أضيفج في أيميلي ممكن؟