المساعد الشخصي الرقمي

مشاهدة النسخة كاملة : ماهو سبب ضياع بعض البنات؟


الجوهرة
06-19-2007, 09:34 AM
ماهو سبب ضياع بعض البنات؟
________________________________________
السلام عليكم

كيف حالكم ان شاءالله بخير

اعزائي اخواني واخواتي


بتكلم بالعاميه معاكم في هالموضوع

ليه بعض البنات يدرون على شي اسمه حب وانحرافهم؟

سمعنا كثير من القصص .. قرينا قصص .. سمعنا سوالف ..

بس الغريب بالموضوع

ليه هالظاهره انتشرت بشكل كبير جدآ؟

في كل مكان في جميع الدول؟ وخاصه الخليج

وين الخطاء وين السبب الي يخلي هالبنات يدورون على هذا الحب؟

كلنا نبي نحب كلنا حبينا كلنا جربنا طعم بس وش النهايه؟

كل واحد في طريق؟ حب مؤقت؟ حب ماله اي قيمه في الحياه؟

اخواني واخواتي

اتوقع انا من اسباب انحراف بعض البنات واول سبب واهم سبب الي اشوفه انا

1/ عدم وجود عاطفه بالبيت

مين الي بيدخل على اخته ويهديها ورده؟

مين الي بيدخل على اخته ويبوسها ويقول لها احبك؟

ليه مايكون هذا الشي موجود في كل بيت؟

تتوقعون لو كل بنت تشوف اخوها كل يوم معها في البيت فاتح لها قلبه وهي كذالك نفس الشي ويهديها هدايا ويهديها كلام حلو

راح تدور على حب برى بيتهم؟

ليه تدوره واهي عايشه الحب في بيتهم وحب طاهر حب شريف مع اقرب الناس منها اخوها!

اخواني هذي وجهة نظري انا

اتمنى اشوف وجهة نظركم انتو

نواره
06-20-2007, 01:54 AM
صحيح أختي العاطفه مفقوده في بعض البيوت والأخوان بس

شغله الشاغل ينتقد ويتأمر على أخته بدون ما يعطيها كلمات المديح والثناء

او يمدحها في تصرفاتها او في اي شي ثاني

والأب كذلك لازم يكون قريب من بنته

أنا الحمدلله عندي أخوي صديقي وما مخلي علي قاصر من الكلام الزين والمعامله الطيبه مع انه اكبر مني ب6 سنوات

وخالي بعد صديقي مع انه أكبر مني ب 10 سنين

وأقول لهم كل شي يضايقني

وصدقتي اختي الجوهره ان العاطفه إذا صارت مفقوده في البيت تدورها البنت بره

توني من فتره ذكرت وحده اعرفها كانت دائما تقول انه هم في بيتهم دائما يجعمونها ولا يعطونها مجال تتكلم او تبدي رايها مع انه عمرها 27 سنه

الآن أهلها خايفين وشاكين فيها انها عندها علاقات حتى لو بتلفون
ويسئلون عنها كل صديقاتها وأخوانها يطاردونها من مكان إلى مكان

أنا ما أبرر تصرفها لكن بيت جاف ومقمع زي بيتهم أكيد البنت بتفرح لو واحد استغل وضعها النفسي وعطاها كلام حلوا راح تحس انها احسن الناس

وللأسف ما اقدر اسوي الها شي مع انها اشتكت لي محاصرة اهلها لها ومصادرتهم تصرفاتها ما اقدر انصحها وهي تنكر لكن كل شي باين


وهذا البيوت المفككه وما تسوي والبنت الي ما عندها خوف من الله وما تربت على العفه والصون راح تميل مع كل ريح وتضيع

أتمنى من الآباء والأ خوان في المنتدى ينتبهون لدورهم

ويصادقون خواتهم وبناتهم قبل ما يندمون

ومشكوره اختي على الموضوع

صبر الفؤاد
06-20-2007, 07:44 AM
متابعة ولي عودة للموضوع
تحياتي

ka3bat al-razaya
06-20-2007, 09:24 PM
والله .....
يمكن رايي بيكون مخالف لكم ..
يا ما وياما بنات ... مدلعين عالآخر في البيت سواء من الأبو وإلا الإخوان .. تتصبح ببوسة من أبوها وتتمسى بكلمة حلوة من لسان أخوها .. ومع هذا ... بخاطرها تجرب الحب ...


بتسألون ليش ؟؟
تبي الشقا يعني ؟؟
أقولكم .. لا ... بس الإنسان بطبيعته (( كل ممنوع مرغووب )) والبنت في المراهقة تبي تقلد .. فلما تشوف البنات رفيجاتها أوحتى لو في المسلسلات ... ودها تجرب .... وهم بعد البنت بطبيعتها (( رومانسية )) و(( عاطفية )) زيادة عن الحدود .... كل ما تفرغ العاطفة اللي بقلبها تحس في عاطفة أكبر بعد ..

تبين الصراحة يا أختي .. آنا وحده أرفض فكرة إن الأخوان المتقاربين بالعمر (( خاصة المراهقة )) تكون بينهم علاقة متينة حيل .. ليش .؟؟

لأنه بمجتمعنا (( ما أدري إذا إنتوا سمعتو أو لا )) كثرت سالفة الإعتداء من الأخوان على أخواتهم وجم بنت وبنت راحو ضحية .....نزوات أخوانهم وطيش مراهقتهم

آنا الحمد لله عن نفسي علاقتي من أروع ما يكون مع الوالد _ ربي يطول لي عمره _ وأخوي اللي عمره 14 سنة ... لي درجة إني مسميته (( رفيق الروح )) soul Mate

والحمد لله الوالد .. لسانه مثل العسل .... وتعامله ما في أرق منه .. لا وهو مسميني (( رفيجة أبوها ))

ربي يخليه لي ويخليني أقدر أعوضه ولو جزء قليل .. من اللي يسويه معاي

بنوته غير
06-22-2007, 12:56 PM
شكرا لكى اختي الغالية على هذا الطرح

تسجيل حظور ولي عودة

عاشقة14 قمر
06-23-2007, 04:29 AM
السلام عليكم ورحمة الله تعالي وبركاتة

اختي راح اتكلم بصفه عامه علي مستوي الخليج

اكثر امهات وآباء البنات لايستمعون الي مشاكل ابنائهم علي الرغم من انهم متواجدين داخل منزل واحد وتحصلينهم يجتمعون علي الفطور والغداء والعشاء وايضا البعض علي جلسة التلفزيون والشاي والقهوة لكن اجتماع من دون مناقشة ماذا يريد ابنائهم الي ماذا يفتقرون وبماذا يفكرون وما هي المشاكل اللتي يواجهونها.

طبيعة آباء وامهات المجتمع الخليجي يميلون الي العصبية نوعا ما فتجدين الابناء يتخوفون من عرض مشاكلهم اليهم او اي شئ اخر يريدونه منهم خوفا من ردة الفعل القوية اللتي تحصل لدي بعض الآباء والأمهات لذلك يلجأون لطرق اخري خاطئة لحل مشاكلهم ولئيجاد ما يحتاجون

وهاي حقيقة ملاحظةعلي الاكثر

وشاهدت وسمعت
احتمال تكون الام اقرب شوي من الاب

لكن هااااااااااااااااي الاب يعتبر عند الاكثر مشكله

الصراحه اتعجب من البنات اللي يقولوا نخاف من ابوي

حتي لو تريد شئ بسيط تريد تروح محل تقول اخاف اقول لأبوي اقول لأمي وهي تقول لأبوي عشان ما يخاصمني .........................حقيقة لبد من الاباء والامهات ان يلتفتوا الي ابنائهم لانهم محتاجين ليهم

ونرجع ونقول اغلب آباء وامهات المجتمعات الخليجية يتميزون بالعصبيه حتي في اتفة الأمور والاسباب
وماتحصلين بنت او ولدمهتمين اهلهم بمشاكلهم وامورهم ومخلينهم قريبن منهم يلجؤن لاشخاص غير اهلهم
والحمد لله علاقتي مع الولد والوالده واخواني حلللللللللللللللللوه ومافي احلي منها

واي شئ اريده ابوي يعرف بيه قبل امي

واحيانا اذا اريد شئ من امي واخاف تردني اخلي ابوي يكلمها

ومو ناقصني شئ ولله الحمد اهلي موفرين لي عاطفه ومدللليني اكثر من اللازم

ومو مقصرين علي بشئ

اتمني ارد ليهم ولو شئ بسيط من اللي عملوه لي


عاشقة14 قمر

بنت التقوى
06-23-2007, 12:36 PM
وعليك السلام والرحمة والأكرام

هلا وبألتفاتك الروعه

طبعا السبب يكمن في الأهل وخصوصا الأم الأم الأم

ليش البنت ماتصادق أمها أيش المشكلة

يعني البنات اللي بره أحن أو أحبونها أكثر

مافي بديل غير الأم هي الوحيدة اللي تقدر تتحمل بنتها مو أحد ثاني

أهديك وأسألك الدعاء