المساعد الشخصي الرقمي

مشاهدة النسخة كاملة : ابوذيات وقصيدة في الذكرى تفجير المرقدين العسكريين (ع)الثانية


مرتضى
05-29-2008, 10:48 PM
السلام عليكم
عظم الله اجوركم بذكرى الفاجعة الثانية لتفجير المرقدين العسكريين عليهم السلام




على الگبتين حيلي أنهدم ونهار
وتصب أشطوط من عينأي ونهار
وظل اندب عليه بليــل وانهــــار
وكله أصبرك يبن الزجيـــــــه
.............................................
شكثر أيــــــام احسبله وعدله
لأن رب العرش منهج وعدله
يعم الخيـر بالدنيـــــة وعدله
يحكم هل ارض صبح ومسيه
............................................


ألك نارين شبوها ألك گبتين فجروها
زمرت حقد كفار يالمهدي حان الثأر
.................................................. ......
ألك نار الحقد شبوا باب الطاهرة الزهرة
ومن عدها سرت هل نار ونار الحقد مستعرة
وغصبوا حگه يالمهدي وخلفوا والد العترة
وعلي الكرار ينظرهه *** خذوا مچتوف من يمه
بعينك تشوف ألصار يالمهدي حان الثأر
.................................................. ......
ونار البلخيم شبت من طاح الوحيد حسين
وعمتك زينب أنظرها مفجوعه تون للحين
وأطفالك مشت بالبر وما تدري توجه وين
وزينب صاحت بلوعة ** ألك چفين مگطوعه
گطهوهن الأشرار يالمهدي حان الثأر
.................................................. ......
ألك الألم تجـــدد يبو صالح مده الأيام
قبور الاربعه انهدمت يالمهدي بأمر ظلام
وتجدد مصيبتهم شما طال الزمن كل عام
قبور العترة هدموها ** حثالة وما يعرفوها
شوف الزمن غدار يالمهدي حان الثأر
.................................................. ......
وعادوها بحقد هاليوم گبت الهادي فجروهه
وگبت العسكري ويها بحقد اسود يصوبوهه
گبتين ومناير ليش جنهم ما يعرفوهه
جريمة ألما بعد تنعد ** بحقد أنجاس تجدد
هدموها أهل النار يالمهدي حان الثأر
.................................................. ......
عفه كلبك يبو صالح تشوف بعينك الهادي
گبته مهدمه يمه ويشوف أبعينه السادي
وتشوف بعينك الوالد عليك بلوعته ينادي
الظليمه تشوف أه يبني ** عدوك رد يعذبني
فجرونه الفجار يالمهدي حان الثأر
.................................................. ......


خادمكم
مرتضى الشيخ راضي الدراجي