المساعد الشخصي الرقمي

مشاهدة النسخة كاملة : دارمي ينطح دارمي


علي الصيدلاني
08-07-2008, 12:00 AM
*تكنس بذاري الدار روحي وتشم بيه ... بيه ريحه الطيبين الداسو اعليه

لاتهتم على الراح وي همك الراح ... والعالي موبالطول بالصبر ينلاح


*كون القلب تركيب اتشلعة وتنام ... وتغفالك اسبوعين من جور الأيام

الرد

مو بالقلب وتنام لمن تشلعه ... بس النمى ويالروح گلي اشيطلعة


*صحره وجزاني الغيث من فارگتني ... گبل الفراگ بيوم چا سممتني

*جاوينه ذاك الكال الخوه للضيج ... مرة عليه ايام تنشف الريــج

*كل جرح والله يطيب بس جرحك أنته ... جاريي ظل يعراق تشخب طبرته


*والدهر واهل البيت والمهدي من غاب.... گلبي الجرحته اليوم من جرحة ما طاب

*والله العراقي ايحب كلمن يحبه ... وأبن الوطن هليوم وسفه اليسبه

*والحمزة والعباس واثنعش ايمام ...شيبت وانة زغيرمن جور الايام



*يادنيا مامرتاح حتى بهمومي ... اسكت واكولن آه لحدهذا يومي

*هم شفت واحد راح وي روحة جناز...كل هذا صار وياي بفراك العزاز

*الخوه حب واخلاص مو سن ضحك كذاب ... لاتامن من الذيب لا كشرالكناب

*ازرعت ورد الطيب وسكيته دمي ... تالي انكلب عاكول جا شنهو ذنبي












*من عنده مثلي اخوان لو ميت يجون ... حدرالكبر مطروح بسب يعزون


*حزني حزن يعقوب من فارق ابنه ... هم خلصوأنابضيم ما طبت منه


*الدهر لو وازاك بَحِّر بالعيون ... تِعرف عدوك زين من اليحبون

*باخر نفس مخنوگ واتمنى اشوفك..... وأعذرني بس الموت يجبرني أعوفك

*اليوفي مثل الثوب تصبح رفگته .... كلما قديم يصير تكثر معزته

لو عمري أخلصه أبأه لا والله منساك.... ولحد مرار الموت فكري انا وياك

أحلف الك يفلان بالخلق معناك.... مالحظه گلبي اتفوت يغفل وينساك


*ليش انه من اشتاك ازحف بديه _ وانت بصلاة الليل تدعي عليه

*سامحت كلمن عاد او كلمن يذلني ... بس حبي لا و الله بالعبره همني

*كل عبره من هلعين تنزل تجاري ... و تحفر وسط هلروح اسمك يناري




*صح انت عني بعيد من تحسب امتار ... بس انت وسط الروح مبنية الك دار


*سني اوعشقت حسين من صغر سني ... ألطم على العباس لو ردت اغني

الرد:

شيعي ونزل بروح حبك ياسني ... من تذكر العباس لالا تغنـــي


*لامنبخت موجود اعوج نصيبي ... لامن اخو وصدگان لامن حبيبي

ماضنتي الخوان تتبره مني ... حسبالي عندي أمعين لو كبر سني

جف دمعي من الظيم مولحت عيني ... أعمهاصبحت ماشوف كل اليجيني

ثق واعتقد جنيت من فارگتكم ... ومن أدخل بصفنات گولاًذكرتكم

يكثر ونين الروح من يگبل الليل ... مل مني سابع جار واتعمديشيل

جزّعت حتى الثوب من دمع عيني ... صدّگ ولافد يوم يبطل ونيني

أحفرعلى الوجنات نهر من الدموع ... ولفرگتك يهواي لحنيهاالظلوع

عاشق الانتظار
08-07-2008, 10:21 AM
*هم شفت واحد راح وي روحة جناز...كل هذا صار وياي بفراك العزاز

ششششششششششششكرا اخي

علي الصيدلاني
08-07-2008, 11:58 AM
هله بيك يمعود وين انت صار مده اريد واحد يردني ولو بيت ماكو بس الاخت كعبات الرزايا متفضله تقدم بهالشكر والترحيب
الله ينطيها العافيه


نوّرت صفحتي ياخادم ابا الفضل

عاشقة ارض كربلاء
08-07-2008, 02:05 PM
****

طيـر ويـريد جنـاح ماتكـفي جنحـين

هـيج الـﮔــلب ملـهوف لزيارة حسـين

****

بيـن الحسـين وبيـن حضرة العـباس

روحي ترد وتـروح ضلت يهالناس

~~~~

لو مانهوض حسين وﮔـطعت الجفين

چـان أنطوه وجا مات كل ذكر للدين

***********

ﮔـلبي أنفطر ياناس وأنجسم نصين

نص كله لأهل البيت والثاني لحسين

***********

للخوه مفخر صار قدوه لهالناس

غيره وشرف وأيمان من مثل عباس

***********

حسين أصيح حسين من زغري يحسين

ساكن أبلب أحشاي ما شافـتـك عــيــن

***********

ايدگ ﮔـلبي بسمك صار كل دﮔـه ابوحسين

عالفطره واعشـﮔـناك ما شافتك عـــــــين

*********

أنت السمع والشوف واحساسي بالكون

خليهه كل الناس رافض يكَولــــــون

*********

حبك علي بحشاي يسري وي دمي

أسمك نشيد وياي من أطلوك امــي

*********

مبروك الف مبروك ليكم يشيعه

انولــدت بهالـيوم الــكم شـفـيعـه

*****

للزهره هذا اليوم يطرب لساني

وللشيعه بالأفـراح زف التـهـانـي

*****

كل دﮔـه بالـدلال صاحت يزهره

الفرح هـذا اليوم اصـبح اشـكـبره

*****

أفرح يـﮔلبي اليوم وك بطّل النوح

مولد الزهره اليوم خل تفرح الروح

****

أفرح وي أهل البيت يا ﮔلبي وذوب

وأغسل بحبهم ﮔـوم شما عنـدك ذنوب

*****

كـون الوكت ينعاد ولصحنك أنعود

نحـلـف يبو السجاد منعـوفك اردود

****

ححسـين الـدرب للفـوز بالك تعـوفه

بيـوم الحسـاب وياك باچـر تشـوفه

******

يـا ﮔـلبي رف وطـير وديني لحسـين

اغسـل ذنوبي هناك وي دمعة العـين

*****

كل المـلك هاليوم فـوگ الوطـيه

خـدام اجت لحسـين ابن الزچـيه

*****

أذراعـك وي حسين حطه بذراعـه

مـيـخيـبك بيه يوم ترجه الشفـا

===============================
بارك الله بيك مولاي على الدراميات المميز وفقك الله لكل خير
وارجوا ان ينال اعجابكم هذي الدراميات
تحياتي
عاشقة ارض كربلاء

علي الصيدلاني
08-07-2008, 03:28 PM
اهلاً وسهلا الاخت عاشقه ارض كربلاء موفقين لكل خير

عقيل77
08-08-2008, 05:47 PM
لو ردت صك غفران ينقذ حياتك
عالهادي واهل البيت كثر صلاتك

عاشقة احزان الطف
09-03-2008, 06:13 AM
*لامنبخت موجود اعوج نصيبي ... لامن اخو وصدگان لامن حبيبي

ماضنتي الخوان تتبره مني ... حسبالي عندي أمعين لو كبر سني

جف دمعي من الظيم مولحت عيني ... أعمهاصبحت ماشوف كل اليجيني

ماجورين ابو زينب
مودتي
عاشقة احزان الطف

عواااد
09-04-2008, 06:17 PM
يسلموووووووووو