المساعد الشخصي الرقمي

مشاهدة النسخة كاملة : ابو ذيات متنوعه


علي الصيدلاني
08-21-2008, 08:22 PM
صدود

صدودك حيل هزني مس كياني

و لاچن غفه بمسكك مسكي آني

من امسكك حيل يوجع مسكي آني

انسّيك اسمك الحط علّه بيه

*****

تحذير

شفت رجلك لزيد و عمر ماشت

حمدت الله على عقلي شلون ماشت

بالك يا غشيم تصير ماشة

نار و تظل تتحمل اذيه

*****

نجاح

الجَمال اعلن ولائه و انتمائه

الك يالصرت ارضه و انته مائه

غيرك طلع راسب و انته مائه

خذتها بدرسك اليحوي الاذيه

*****

طلب

الك بيك اصل حبي و انتمائي

و الف اي گلت احبك و انته ما أي

البعد يبَّس لهاتي و انته مائي

ارحمني بمزنتك و اعطف عليه

*****

اعتراف

تهمَّن يالمصايب ما تهمَّن

عليه شما كثرتن ما تهمَّن

اذا قيس على حبّه ماتَ هماً

انا ما اموت لجل الخان بيه

*****

صحوه متأخره

يشامت لِم شتاتك غاد ولّي

و على امرك گلب ما يحس ولّي

صحيت و گمت اعرف العلي و اللي

ملچت الإلي و طلگت العليه

*****

عزة نفس

حلاة الشخص يحفظ ماي وجهه

و نار الذل يبخها ما يوجهه

خسر كل من ضميره ما يوجهه

لطريق اليحفظ النفس الابيه

ka3bat al-razaya
08-21-2008, 08:35 PM
الله الله


عاشت هالأيادي العراقية الأصيلة يا بو زينب



تسلم على هالابوذيات الحلوة

علي الصيدلاني
08-21-2008, 10:54 PM
خادم للطيبين

عاشقة ارض كربلاء
08-22-2008, 09:32 AM
ماشاءلله ماشاءلله ابو زينب مبدع بالملتقى الادبي ومبدع في الحواررررررررررررررررر بارك الله فيك
تحياتي
عاشقه ارض كربلاء

علي الصيدلاني
08-23-2008, 12:32 AM
هذا من ذوقكِ الراقي ياعاشقة ارض كربلاء

عاشقة احزان الطف
09-03-2008, 05:04 AM
عزة نفس

حلاة الشخص يحفظ ماي وجهه

و نار الذل يبخها ما يوجهه

خسر كل من ضميره ما يوجهه

لطريق اليحفظ النفس الابيه

واني للمرة الثانية اكولك انت فعلا مبدع ابو زينب يسلم على الموضوع القيم
تحياتي
عاشقة احزان الطف

عواااد
09-04-2008, 05:18 PM
يسلمووووووووووووووووووو

عاشقة احزان الطف
09-05-2008, 05:50 AM
http://www.arabsys.net/pic/wrod/5.gif (http://www.arabsys.net/pic/index.php)

شيخ العشيرة
09-22-2008, 06:05 AM
يروحي وين ماتمشين..ورده
عطر قداح من يفوح ..ورده
المهدي من عطر لجنان..ورده
نزل عالارض نور ويشع ضيه


بارك الله فيك
ابوذيات جدا رائعة
لا عدمناك
سلمت اناملك
( ابو زينب )

عاشق الانتظار
09-22-2008, 09:16 AM
يسلمووووووووو


اخي الكريم

علي الصيدلاني


على الابوذية الجميلة والرائعه

ترجمان القرأن
10-07-2008, 11:27 AM
حلاة الشخص يحفظ ماي وجهه

و نار الذل يبخها ما يوجهه

خسر كل من ضميره ما يوجهه

لطريق اليحفظ النفس الابيه


مشكور اخويه الكريم..