المساعد الشخصي الرقمي

مشاهدة النسخة كاملة : عشق مفضوح


علي الصيدلاني
08-21-2008, 10:57 PM
مو مثلي جميل اولا بثينه احباب
ولا قيس ويليلى اوعاشگ اومعشوگ
انه عشگي مصيبه اوبيها الف طلاب
عاشگ بالخيال اومبحر ويالشوگ
ماشفته اوعفسني اوهام گلبي اوياه
دولبني ابغرامه اولعب بيه اطروگ
گلبي امن الولاده اثنعش وذره انشاف
امي اتگلي گلبك من صرت مشروگ
ثاريني ابرحمها اتشيعت لحسين
اوكل وذره امام ويالگلب مشبوگ
يعني امن الاصلاب العشگ بالجينات
والعتره او محمد بس علينه اتلوگ
مو بس جون عشگه ايجنن المجنون
انا امن اصله عگلي ابلا هرش وعروگ
جن بيهم يعاذل جرب اشخسران
مبخوت ابرگبتي اختار شرط الضوگ
كلهم طعم واحد صنع رب الكون
واحدهم كِتاب اولاحرف مبيوگ
يعني اثنعش ناطق زائد القران
افصح عن ضميرك لاتظل مخنوگ
يوم الحشر حبهم ثق ينجي الناس
تتخورس لسنها اهناك شگ حلوگ
خاف اتگول الوذ ابكتر هذا اواذاك
كلها اتصيح روحي افلان وام النوگ
ماتنفع اموالك والولد والجاه
بس توقيع حيدر عن سقرها ايعوگ
فـَي شجرة السدره الشيعة الكرار
واهل البيت بالسدره اتدله اعثوگ
يعني المايحبهم لايفجر الناس
صينيه ابجهنم من لضاها اريوگ
والامر الناهي الانزع الصنديد
بيده اعلى الصراط ايسوگ بيهم سوگ

عاشقة ارض كربلاء
08-22-2008, 09:30 AM
بوركت مولاي ابيات روعه وبارك الله فيك وجعله في ميزان حسناتك
تحياتي
عاشقه ارض كربلاء

علي الصيدلاني
08-23-2008, 12:33 AM
شكراً لمروركِ الرائع ياعاشقة ارض كربلاء

بنت التقوى
08-23-2008, 02:30 AM
موفقين أخي لكل خير

aahmaad
08-23-2008, 06:44 AM
سلمت يداك اخي ابيات اكثر من رائعة

عواااد
09-04-2008, 05:22 PM
يسلمووووووووووووووو