المساعد الشخصي الرقمي

مشاهدة النسخة كاملة : عراقيين


علي الصيدلاني
08-30-2008, 09:46 PM
عراقيين



حفنه اسنين مرت ما بره المجروح

ولامره ابحلم متضمد اصوابه



ولا مره الفرح خيّم على المهضوم

مجفي وما يريد ايوجّر ابّابه



يفر بينه العمر واحنه اعله نفس الحال

وعيب الـ بالبشر محمد حجه وعابه



عجيب اعله الضماير ليش ساد الخوف

وعليها اشلون كلفه ايسلط احرابه



گبل عالسيف نحجي ان راد لحظة يريض

هسه انگول خله ايواسد اگرابه



الليالي اتغيرت و انعگر ساگ الزود

وغده ذيل الرذيلة الوادم اتهابه



الوكت مگلوب جره انريد يعدل يوم

او يهوّد ما يمرنه ابجهرة اغرابه



نحسب خير نلگه وبلجي نعثر بيه

خلصنه وما عرفنا الفالح احسابه



مشينه اعله الجمر ما خفنه متحفين

تعرفه اگولبنه من اسنين عطّابه



صبرنه وما جزعنه وگلنه ضيم اليوم

ما ممكن يدوم .. وتنتهي اسبابه



ومشه مركب صبرنه ودار بيه الموج

ابحر محد يگدره وعالي خنيابه



ركبنه وگلنه نعبر رغم خشم الموج

حلم نوصل جرفنه ونلثم اترابه



وصلنه ومن گعدنه انشوف وجه الزيف

اجه امگبع علينه وتحرسه اجلابه



ضحك واحنه التعب ما خله حيل انگول

لحگنه الـ هالمجان اشلون واشجابه



سكتنه ولن جرفنه من البشر مهجور

وعلى اطرافه اليتيمة امجلجلة اذيابه



تحيرنه وشدهنه ابعسره هذا الحال

يا حل النرهمه ابهاي الطلابه



تحاورنه وطلعنه ابمخلص احجايات

تعلل هالوضع واتوضح اسبابه



عراقيين احنه وفرض حصن الضيم

نتشلبه اعله سوره ونقتلع بابه



اتفقنه من الجرف لازم يشيل الزيف

وكل صل اليسمنه انكسّر انيابه



لان گصة الجرف مخطوط بيها اعراق

ويا عظم العراق ابهمة احبابه

احزان الطف
08-31-2008, 06:11 PM
شعر عن محافضات العراق يارب يعجبكم


الف وســـــــــــــــــفة الانيقة تنظلم ......... بغداد
سلام الله على باب الحوائج اســــد ........ بغداد
بالارض جنة وروعة سمــــــــــــــــــا ......... بغداد
بغداديه اني ولحد الموت اعشگ....... بغداد
الشر غير لونهه من بيضة الرمادي
نار الغــــــــــــــــــدرتطفى وتصبح ........... رمادي
خلي منطقك ابيض دوم وتحاشـــة ........ الرمادي
حي الله اهل الكرم والــــــجود اهل ........ الرمادي
بالغيرة جبل عالي وضميرهم مايوم جف
وحگ الواســـــــــــــــــــع بسمعه و ........ بصره
وعدوي لو نظرني بشــر ماخوفني .......... بصرة
تواصلني بأصالتهه وبهواها موصل
سليكون بهواكم لاني عــازل لاني ......... موصل
رحمة الله عالما گطع رحـمه ودوم ......... موصل
هايم بأرض نبي الله يونس الشگرة ........ موصل
لو ما هي ما حلت بعيوني بغداد
نشف ريجي وشما ارتوي رد انوب ............. وجف

مااشبع من زيارة علي وحب اهل .......ـ.... النجف
گلبي سمچة وتايهه ابـــــــــــــــحر .......... النجف
يأرض المذهب الشيعي ومنبع الدين
شما توفي تضــــل مطــلوب للجبار ............. دين
اليواسيك بدمعته ترى حـتى الدمعة ........... ديـن
اخذ عروبة وحـــــــــــلم من صلاح ............. الدين
اهل چلمةوبيـــــــــــــــــهم الوفى حله
بالك تحرم شــــي الله بجلاله امر .............. حله
يالتسئل عالـــــــــحلو ترى الحلو ............... الحلة
شافت ضيم وقهر وفوگ القهر بله
گلبك لا يجــــــــــــــف وبرقتك دوم .............. بله
وهالدمعة عالـــــــــــــــجره برض ............ كربله
اسودت بوجه الحسين ونجمع كرب.......... وبله
المدلي ايده ما ستنكف من مد ............ ايدي اله
ونطه وجه ريان مثل برتقال ............. ديـــــــالى
ثلث الطگ للـــــوطن وثلثين ............ لديالــــــــى
صرح هيبه داخلي ومبنية عمارة
قيمة البشر مو فلوس وسـيارة ............ وعمارة
البشرللموت يمشي شما طالت .......... عمارة
مدرسة غيرة وزلــــــــــــــم ارض .......... العمارة
للحگ فزعو فرد فزعة وكلهم ناصرينة
اما من نـــــــــــــــــــــــاصر وقلة .......... ناصرينه
بالرجال مجربة كـــــــــــــــــدهه ......... الناصرية
اخلاقها بالعرف مضيف وديوانية
ضيفي اله عيــــــــــوني وصدري .......... ديوانية
بالشعر اسولفله شـــــعر ونظلمه .......... ديوان
يالگاصد ارض الــــــــــــعاصمة مر........ بالديوانية
تلگاها ابية نفس هي مثل كركوك
جميلة مكـــــــــــــــــــحلة بالنفط ........... كركوك
وعيون الطــــــــــمع كلهه على ............ كركوك
العرب گالت الي والكرد تتمــنى ............. كركوك
تندرج لقليمهم وتصبح مثل اربيل
حر البصــــــــــــرة ماينحمل ومعتدلة.......... اربيل
طبيعة وبالشـــــــــــــــــــــــــكل اوربا ......... اربيل
اريد انشدكم ياعرب هم عدكم نفس ......... اربيل
عروس الوطن ومكمل حسنهه السليمانية
مغرورة بحلاوتهه حگـــــــــــــــــــــها ...... السليمانية
اتفك الصدر بسحرها وجبلــــــــــــــهه ..... السليمانية
جمال وحسن منــــــــــــــــــظر اهل ...... السليمانية

تحياتي
احزان الطف

علي الصيدلاني
08-31-2008, 09:11 PM
احسنتِ اختنا الفاضله وتقبّل الله اعمالكم

عاشقة ارض كربلاء
09-02-2008, 11:22 AM
بارك الله فيك ابو زينب كلمات في قمه الروعه وفقك الله لكل خير

عاشقة احزان الطف
09-03-2008, 06:01 AM
اللهم صلي على محمد واله الطيبين

ابو زينب رائع ماخطت اناملك وفقك الله بحق ضلع الزهراء
تحياتي
عاشقة احزان الطف

عواااد
09-04-2008, 06:18 PM
يسلموووووووووووووووووووووووووووو