المساعد الشخصي الرقمي

مشاهدة النسخة كاملة : يالي امه غاالية عنده يدخل ويسمع


عاشقة ارض كربلاء
09-15-2008, 10:19 PM
السلام عليكم

اخواني وخواتي مسااكم الله بالخير والنور والسرور




اهديها لأمي الغالية(احزان الطف) ولأمهات اعضااء المنتدى كلهم دوون استثناء وان شاء الله اتناال اعجااابكم





عنوانها الأم

قصيدتي زاد بعيوني جمالها
واخذت أنقي بالمعاني جزالها
واكتب معانيها من الشوق والغلا
لأمي وأنا اصغر شاعر ٍمن عيالها
كتبتها في غربتي يوم رحلتي
لما طرالي بالسفر ماطرالها
امي وانا بوصف لها زود حبها
وان ماحكيت لها قصيدي حكالها
امي لها بالقلب والجوف منزله
مكانة ماكل محبوب نالها
اقرب من ظلالي وانا وسط غربتي
وانا تراي اقرب لها من ظلالها
ماشافت اعيوني من الناس غيرها
ولا خلق رب الخلايق مثالها
اغلا بشر في جملة الناس كلهم
واكرم من ايدين المزون وهمالها
اتبع رضاها ورتجي زود قربها
واللي طلبته من حياتي وصالها
الصدق مرساها والاشواق بحرها
والعطف واحساس الغلا راس مالها
اهيم فيها وابتسم يوم قلبها
يسأل وانا قلبي يجاوب سؤالها
وان اطلبتني شي فزيت مندفع
اموت أنا واحمل تعبها بدالها
واصبر على الدنيا والاحزان والتعب
واحمل على متني فطاحل جبالها
واسهر اعذب راحة القلب بالشقا
واعيش اعاني بس يرتاح بالها
تربية ابوي اللي على الطيب بذكرة
اللي وهبني الحياه ومجالها
نور لي ادروبي وانا طفل مبتدي
حتى تركني واحد من رجالها
الوالدين اولى بالاحسان لجلهم
وأولى بتكريم النفوس وعدلها
اقولها وانا على الله متكل
والله عليم بقدرتي واحتمالها
ياكلمة اغلى من الناس كلهم
ياشمس بقلبي بعيد زوالها
يافرحة تملي لي الكون باكمله
ياشجرة تكبر ويكبر ظلالها
تضحك لي الدنيا ليا شفت زولها
مثل السما تزها بطلة هلالها
والبعد عنها ياهل العرف ماقدره
لاشك ناري زايدة بشتعالها
ماعيش ببلاد ولاهيب بأرضاها
ولابي عيوني كان ماهي قبالها
أرض ٍ تدوس امي بالاقدام رملها
اموت فيها واندفن في رمالها

:blushing::blushing::blushing::blushing::blushing:
تحياتي

عاشقة ارض كربلاء
09-16-2008, 03:09 PM
وين الردود يا اعضائنا الغاليين

خديجة الكبرى
09-17-2008, 06:30 AM
اللهم صلي على محمد وآل محمد


عشوقه الله يديم امك على راسك و لا يحرمك خدمتها و يرزقك رضاه .


قصيده جدا رائعه ان سمعتها قبل هاي المره و جدا اعجبتني .


بارك الله بيك و يوفقك لكل خير بمحمد وآله الاطهار .


تقبلي مروري

..lama
09-17-2008, 09:36 AM
مشكوووووووووره مره حلوه

عاشقة ارض كربلاء
09-17-2008, 02:02 PM
اللهم صلي على محمد وآل محمد


عشوقه الله يديم امك على راسك و لا يحرمك خدمتها و يرزقك رضاه .


قصيده جدا رائعه ان سمعتها قبل هاي المره و جدا اعجبتني .


بارك الله بيك و يوفقك لكل خير بمحمد وآله الاطهار .


تقبلي مروري
مشكورة غاليتي على المرور وعلى الدعوات الطاهرة

عاشقة ارض كربلاء
09-17-2008, 02:03 PM
مشكوووووووووره مره حلوه

منورة اختي الغاليه

عاشقة احزان الطف
09-18-2008, 12:57 PM
الف شكر قلبي على القصيدة الحلوة دومج مبدعة عشوقة
تقبلي ودي
عاشقة احزان الطف

احزان الطف
09-18-2008, 04:56 PM
مشكورة ياوردتي على شعورك الطيب تجاهي ربي لايحرمني من روعة احساسك العطر
تحياتي لك ياغاليتي
امك احزان الطف