المساعد الشخصي الرقمي

مشاهدة النسخة كاملة : قصيده للامام علي عليه السلام بيوم استشهاده


علي الصيدلاني
09-19-2008, 01:46 AM
اول الاول

ـــــــــــــــــــ

الله اختار هامك تنفلق نصين

وحگك لااميه اولا ابن ملجم

واختارك قطب رحة مدار الدين

وبهامك المحشر بلغك يقسم

وبيوم النشور اتحكم بالظفتين

ضفه السقر تمشي اوضفتك تسلم

يل محد يعرفك غير بس اثنين

بس الله اورسوله اوبيهم انت اعلم

ياأعلم زمانك يلزمانك حال

ماأنجب وراك اولا گبل جــدم

ياسابج وأول وأول التكوين

يجل گدرك تصير الرابع اوتكرم

خل يفرش شليله الراد بيك ايطول

واسمع للرساله اشنذر وشقدم

واذا عنده حچي اويسرد علي تاريخ

تاريخ الربع ملغوم ومسمم

ماسولف فشلهم لو جبت طاريك

ولو ادري امنسولف لحظه مااندم

خليني اوي سرك واخشع ابطرواك

اشما طالت زلمها اوياك تتــقزم

ابظهرك سولفوا ماسولفوا وياك

لو كلهم ابواحد يمك اتلعثـــــم

لن يدرون عنك مصدر التشريع

متيقنين منك للعلم منجـــــم

يل لولاك ماوصلت رساله اليوم

بالفقار كل جاحد شهد واسلم

كل تاريخ يكتب بالحبر ممسوح

والتاريخ خطك بالضماير دم

يلمعروف غيضك والزعل بالويد

والسيف اليلوحك يرجع امثلم

يكفشها اليسار اويمنتك حاصود

واطشها ابراهاك اوتلم بيهم لم

ذو الفقار يندب ياعلي امن اتصول

اوعزرايين گبل اليا علي اتولـــم

احزام الدين انت اوباب علم الله

وب اول العزم يمرهدن امـحــزم

عشر تالاف فارس ابن ود معدود

من شافك گمتله ابمسخره اتبسم

من تنگل جدم يرجع متر مذعور

كش بين اديك انخرس وتحصرم

وحدك وانت وحدك جيش كامل هاد

والظلت وراك ابحقد تتگرضـــــم

شلت السيف حطيت الشمس بالشاخ

لو رايد بديك الشمس تتچـــــــوم

بس حديت سيفك نزل يلهب نار

لن جبريل صاح المشرك اتخــذم

ولن صوت الجلاله امن السمه ايناديك

تسلم يالصميدع يمنتك تسلـم





مشير السعيدي

..lama
09-19-2008, 01:57 AM
جميل جداً

شكراً لك أخي الكريم

عاشقة احزان الطف
09-22-2008, 10:01 PM
جميل ماخطت اناملك مولاي دمت مبدعا
اسال الله ان يقضي حوائجك بحق مولاي الامام علي (ع)
تقبل الله منا ومنكم صالح الاعمال
تحياتي
عاشقة احزان الطف