المساعد الشخصي الرقمي

مشاهدة النسخة كاملة : كيف يكون تعاملك مع اخوانك معاكي


عاشقة الزهور
10-19-2008, 12:42 AM
بصراحه كيف تتعامل مع اختك؟؟؟؟


المشهد الاول:
ساره:يبه أبي اروح للسوق..

الابو: وأنا وش علي منك ..هذا اخوانك عندك ..روحي قولي لهم..

===

المشهد الثاني:

(تروح سارة لاخوها الصغير ..بدر.. )

ساره: بدر ممكن يعني تتكرم وتوديني السوق ؟ والله ضروري..

بدر: يوووووووووه فاضي لك انتي..مشغول..

سارة: بدر تكفى ..والله بروح أتقضى للعيد ..مايمديني الحين معد بقى عليه الا 3 اسابيع..

بدر: قلت لك مشغووول>>يضغط عالكلمه..

(يدق جوال بدر)

بدر: هلاااااااااااا والله بابو حميد ..وينك يارجال ..عاش من سمع هالصوت ....

عاش من سمع هالصوت........وشلون ..تبي تشوفني الحين ؟؟ ......ابشر ..ما طلبت شي............. لا ..لا ..يارجال لامشغول ولا شي>>شف النذاله وهو توه يقول لاخته اني مشغول(!) ....

(يطلع بدر من غرفته ومعه غترته..عشان يروح لصديقه)

بدريكلم ساره:يله اطلعي برا الغرفه بقفلها انا طالع الحين>>كن فيها كنز!!

ساره: طيب خذني على طريقك....

يقاطعها :اقووووول والله غلطان اللي يعطيكم وجه >>أي وجه ابي افهم بس!!

(يمشي بدر بسرعه ويركب سيارته ويروح)

===

المشهد الثالث:

(تروح ساره لاخوها الكبير عبدالله)

ساره: عبالله ..توديني للسوق؟؟

عبدالله: سوير..انتي عارفه اني مالي دخل بهالسوالف..روحي قولي لاخوانك>>وانت وشو؟اخو الجيران مثلا!!

===

المشهد الرابع:

(ترجع ساره لابوها)

ساره:يبه شف عيالك والله يطفشون الواحد..يعني اطرهم السوق؟؟

الابو:قلتيلهم كلهم وعيو؟؟

ساره:قلت لبدر وعبدالله..

الابو:طيب شوفي أخوك نايف ..توه جاي للبيت ..حاولي فيه وان شاالله انه بيوافق..

===

(تروح ساره الطراره>>عفوا المسكينه لاخوها نايف وهي تقول في نفسها.: لا نايف حبيب ..ومحد في البيت يفهمني كثره..ان شاء الله ربي يطرح فيه البركه ويوديني

ساره: نيوفي ..يا بعد هالدنيا ..وش رايك لو نطلع الحين للسوق..منها نتمشى ومنها انا نغير جو..<<تقوله كذا ..عشان نايف رمنسي ويحب الكلام الحلو..

نايف:اممممممممممم ..والله فكرة ..حتى انا مليت من طلعات الشباب..بس ابي افهم شي واحد ..انتو يالحريم وشوله تحبون السوق؟؟

ساره:انا ما احبه بس..تعرف العيد قرب ..وابي ابدا من الحين موب زي العام..انزنق على اخر شي..

نايف:يله..يله..رحمتك ..روحي البسي عبايتك فيما البس ثوبي..

(ساره من كثر فرحتها قامت باست اخوها)

وهي تقول :صدق؟؟>>كنه بيوديها الجنه

نايف:ايه يله بس بسرعه..

(سارهوهي تروح ..نايف يطالع اخته وشلون فرحانه ..وتخنقه العبره>>
خخخخخخخخخخخخ

لبست ساره باسرع وقت وطلعت هي واخوها ..

وعند الباب ..دق جوال نايف

نايف: هلابك.........انت عند الباب؟؟..............ايه هلا والله فيك..حياك الله ...يله ..يله دقيقه وافتحلك..

نايف: يووووووووه معليش سوسو..مواعد واحد من الشباب.. ونسيت ما اقول لك ..يله بسرعه..هو عند الباب.. روحي للمطبخ جهزي القهوه والشاهي على بال ما اقلطه..بسرعه لا تتاخرين علي بالقهوه..

(راحت ساره المسكينه..وفصخت عبايتها ..ودخلت المطبخ..تسوي لاخوها اللي طلبه)وهي تقول في نفسها:مهيب عاده !!

====






^
^
^
^
^

كل هذي مقدمه


الزبده في الموضوع





تعامل الاخ مع اخته في مجتمعنا ..كيف تقيمونه..

هل انت راضي عن تعاملك مع خواتك .وانتي بعد راضيه عن تعامل اخوك معك؟؟؟

هل تعطي اخواتك حقهم من وقتك وتجلس تدردش معهم ولا لا؟؟

انتي كاخت وانت كاخو..هل لديك احد من اخوانك قريب لقلبك اكثر من غيره..والا كلهم سوا؟؟

طبعا بما اني نقلت الموضوع بجاوب انا بالبداية..

بالنسبه لتقيمي تعامل الاخ لاخته في مجتمعنا متوسط يعني في اخوة ولااروع وفي اخوة علاقتهم سطحيه وفي اخوة يعنو ماشي حالهم مثل مانقول..بس اتمنى لو تكون العرقه اقوى طبعا وبالتاكيد البيئه لها دور في ذلك،،
وبالنسبه لي تقريبا شبه راضيه بتعامل اخواني معاي كلهم تمام ..مع انهم اذا ابيهم يسوون لي شيء احيانا لازم نترجاهم <<ههه:24:بس حليويين صراحه ..
بس اخوي الكبير اشوي علاقتي فيه اقل من البقيه يمكن بحكم فارق السن..:28:
وعادي يسولفون معاي واسولف معهم ونتكلم في مواضيع تخصنا يعنو تمام ..واحيانا نختلف ويقوم الصراخ :6::6:

عندي اخوان قريبين وعندي اخوان عاديين بس احبهم موت كلهم..:21::21:

للامانة منقول..
لكي تشاركوني ارائكم..

بنت التقوى
10-19-2008, 01:20 PM
عاشقة الزهور طرح موفق للموضوع

كأنك تتكلمي عند وعن كثير من بنات مجتمعنا

مشكلة التوصيل للسوق ولغيره

يعني لو نسوق سيارات كان نحلت المشكلة ههههههههه

اما بالنسبة للتعامل داخل البيت

يعني يتعامل مع أصحابه احسن من تعامله من أخواته

فهذة مشكلة ثانية الا من رحم ربي

لكن الحلول كثيرة

على سبيل المثال بالنسبة للمشهد الأول لو الأب

طلب من واحد ما كان رده ولو كان البنت كلمت اخوها من بدري

والأخ كمان يصير شوي متفاهم ولا يعصب على طول

كان مشى الموضوع ولا شئ

المهم عاشقة الزهور فتحتي الموضوع خليتيني أتوسع ههه

غيض من فيض ههههههه

على كل حال هم اخواننا مانقدر نستغني عنهم وهم كمان نفس الشئ

منتظر الحجة
10-19-2008, 08:24 PM
يااخواتي والله مو كل الناس

الى من رحم ربي

الله يهديكم

اخوكم منتظر الحجة