المساعد الشخصي الرقمي

مشاهدة النسخة كاملة : ارجع يا عمي لصيوانك


عمار جبار خضير
12-04-2008, 10:20 PM
ارجع يا عمي لصيوانك = واحرس يا عباس اخيامك
ياوالينه = لاتخلينه
---------
أجت سكنه ودمعهه عله الوجن يهمي
تنادي وتنتحب تانيــــــــــــــــــــــــني يا عمي
يعمي الماي باب امصيبتي وهظـــــــــــــــــمي
وسبب بلواي اشوفه ومصدر ألهمـــــــــي
العطش هيــــن اذا انـــــــــــــــــــته تضل يمي
ولا شوفك جسد يم النهــــــــــر مدمي
ما اتحمل عمي مصابك = لو رحت وطولت اغيابك
ارجع لينه = لا تخلينه
---------
اذا نار العطش ضلت تشب بحشــاي
وحــﮒ جــــودك يعمي انته اشوفك مـاي
واذا ﮔــلــبي انصدع من لوعتي وبـــــــــلواي
بس ملـﮕــــــــاك ياعمي شفه لدنيـــــــاي
تضل ويـــــــاي رايدك يسور حمـــــــاي
عـﮕبك انسبــــي يا عمي بيد اعـــــداي
ياعمي وجودك يكفينه = وصمصامك هو اليحمينه
يا حامينه = لاتخلينه
---------
صد ليّهه بحنانه و كلهه يا سكنه
دهيدي المــــــــــاي رايح انه اجيـــبنه
حاشى الخيــــــــــل تمنعني وارد عنه
بهذا السيف جيش الباغي اطشرنه
ثلث تنعام ﮔالـــــــــــــــــت عمي المـﭼنه
اخاف اتروح عمـــــــــي وما ترد النه
خافن تتـﮕطع ﭼفينك = وسهم البين يصوب عينك
ويآذينه = لاتخلينه
---------
مشه لصوب الشريعه والحرب تسعر
تروط الـﮕاع ﮔامت مــــــن شبل حيدر
وعالـﭼـيمان عباس الـﮕـــــــمر سدر
حمل جوده وتعــــــــنه بــــــــــيرقه وكبر
وهوى عالماي يشرب لاﭼن اتذكر
رضيع حسيـــــــن من نار الظمه فرفر
واتذكر ﮔلب ابن الزهره = عطشان ويسعر ﭼالجمره
وصوت سكينه = لاتخلينه
---------
ما رد للخيم من راح ابو النوماس
طاح هناك مصيوب عله هام الراس
والـﭼـفين ﮔطعتهه العدا الارجاس
اجاه حسين وينادي يراعي الباس
عـﮔب عينك يخويه استوحدتني الناس
كسر ظهري مصابك خويه يا عباس
زينب تتنطر واليهه = وسكينه بجودك ترويهه
جودك وينه = لاتخلينه
-----
عمار جبار خضير - 2008-12-04

خديجة الكبرى
12-05-2008, 02:00 PM
الله ـم صلي على محمد وآل محمد


ما رد للخيم من راح ابو النوماس
طاح هناك مصيوب عله هام الراس
والـﭼـفين ﮔطعتهه العدا الارجاس
اجاه حسين وينادي يراعي الباس
عـﮔب عينك يخويه استوحدتني الناس
كسر ظهري مصابك خويه يا عباس
زينب تتنطر واليهه = وسكينه بجودك ترويهه
جودك وينه = لاتخلينه




طيب الله انفاسك مولانا "عمار جبار خضير " وسلمت يمناك ولا عدمنا وجودك معنا


اجرك على النبي وآله

حيدريه
12-06-2008, 08:54 AM
بسم الله الرحمن الرحيم
اللهم صل على محمد وآل محمد وعجل فرجهم
وصل اللهم على فاطمة وأبيها وبعلها وبنيها والسر المستودع فيها عدد ماأحاط به علمك
السلام عليكم والرحمة والإكرام

هاي العطاشا امروه يالي ملكت المشرعة
ياأبافاضل إلك أشكي لك أحوالي
وجريح دهري عقب عيناك على الراية

،، الشاعر عمار جار خضير ،،
طيب الله أنفاسكم الولائية وفي موزاين حسناتكم أنشاء الله تعالى
مأجورين ومثابين
وصلى الله على محمد وآل بيته الطاهرين

خادمة أهل البيت عليهم السلام
حيدرية

عاشق الانتظار
12-08-2008, 06:16 AM
اللهم صل على محمد وآل محمد وعجل فرجهم
موووووفق اخي عمار

عمار جبار خضير
12-08-2008, 06:10 PM
وفقكم الله لكل خير مشكورين على المرور

ترجمان القرأن
01-05-2009, 08:13 PM
اللهم صلي على محمد وال محمد
موفقين لكل خير انشاء الله....