المساعد الشخصي الرقمي

مشاهدة النسخة كاملة : نشيد على الثغر اسمك


عمار جبار خضير
12-04-2008, 09:38 PM
نشيد عله الثغر اسمك = وكحل بجفوني ضل رسمك
يا عباس احبنك = يا عباس أحبنك
----------
يا عباس الك بالطف مواقف منهه نتعلم
والك يبن الوصي ايثار يصلي باسمك الاعظم
اشوفك من خلال حسين بخيال الشاعر الملهم
حبيب الزهره يا عباس حتما انته يا ضيغم
المواقف انته راعيهه = چثيره وياهي نروّيهه
تمثلهه ويمثلنك = يا عباس أحبنك
-----------
ألك يا با الفضل أبعاد چبيره وما تحدهه احدود
سر محير الالباب صفت ذاتك يراعي الجود
لاچن يا عضيد حسين أبسلام القائم الموعود
مقامك يتضح معناه يل بيك المجد معقــــــــــــود
مثل جعفر ينور العين = طيّار وألك جنحين
وبالمحشر يميزنك = = يا عباس أحبنك
-----------
بچفوف الـــﮕمر عباس تطالب فاطمه الزهره
تريد اتجازي بالايثار لامه الطاهره الحره
ومو بس الوفاء اتريد تريد اتوضح الفكره
بأن عباس للإسلام چفوفه موطــــــن النصره
چفوفك هنه يا ضرغام = حصن ويحصن الإسلام
يل كل الفخر منك = يا عباس أحبنك
-----------
اجيتك والــﮕلب بحّار يطوف بحضرة الهامك
اشوفك فارس من بعيد ﮔــاصد بآخر ايامك
تدوس عله المنايا اتريد تجيب الماي لخيامك
ومن جيت النهر عطشان ذكرت حسين وايتامك
تذكر مهجة العطشان = وتركت الشرب خجلان
وعساكرهم يحوطنك = يا عباس أحبنك
-----------
وحـــﮒ عينك يعين الكون ما مثلك اخو وفّاي
وﮔــــف دون الحراير سور ولظعن الشرف حماي
اشوفك قربة الاسلام ومن عدهه نمير الماي
وحسين النعاك وﮔـــال صاحب عسكري ولواي
لأن شخصك حمل ابعاد = كصدهه حسين ابو السجاد
طاهر من زغر سنك == يا عباس أحبنك
-----------
احبك واليحب يحتار شيوصف حبييب الروح
وانته المدحتك اطهار ودمع زينب عليك اينوح
واوصاف الشعر مولاي اشما طالت بديه اتروح
خل يخرس شعر عمار اذا باسمك يريد ايبوح
شوصفك انته ما تنقاس =بس اسمك يضل عباس
وبنات افكاري عشـــﮕــنك == يا عباس أحبنك
-----------
عمار جبار خضير – 2008

خديجة الكبرى
12-05-2008, 12:26 AM
الله ــم صلي على محمد وآل محمد





دائما مبدع مولانا



قضى الله حوائجك بحق باب الحوائج عباس " سبع القنطره "


جزاك الله خير الجزاء


بانتظار ابداعك القادم

عمار جبار خضير
12-05-2008, 11:21 AM
الله ــم صلي على محمد وآل محمد





دائما مبدع مولانا



قضى الله حوائجك بحق باب الحوائج عباس " سبع القنطره "


جزاك الله خير الجزاء


بانتظار ابداعك القادم


شكرا جزيلا لكم اختي المؤمنة وبارك الله تعالى بكم

@حسين الحمداني@
01-12-2009, 04:08 PM
اشكرك على هالابداع ونسال الله لك التقدم ادامك الله لحب اهل البيت

عاشق الأمير
01-12-2009, 08:43 PM
بسم الله الرحمن الرحيم

الله ـم صل على محمد و آل محمد ..

بچفوف الـــﮕمر عباس تطالب فاطمه الزهره
تريد اتجازي بالايثار لامه الطاهره الحره
ومو بس الوفاء اتريد تريد اتوضح الفكره
بأن عباس للإسلام چفوفه موطــــــن النصره

مولاي عمار .. يدمى الفؤاد مذ يُذكر قمر بني هاشم ..
و لاسيما عندما تعرج على الحرة الوفية أم البنين سلام الله عليها ..
لا حرمنا الله من هذا القلم المبارك ..
رزقك الله شفاعة العباس دنيا و آخرة ..

عاشق الأمير ..

عمار جبار خضير
01-27-2009, 10:45 AM
اشكركم جميعا الله يبارك بكم اخواني موفقين لكل خير