المساعد الشخصي الرقمي

مشاهدة النسخة كاملة : واعلياه


أم الجواد
01-13-2009, 08:08 PM
يا اشبه الوادم ابجدك ما يسوه هذا العمر بعدك



****



يوليدي آنه ابوك حسين اصرخ يالاكبر يضي العين



هاي المصيبه لفتنه امنين يالمنفطر بالعطش چبدك



***



چبدي مثل چبدك اتفطر لمن شفت خدك امعفر



جيت وردت يبني يالاكبر بدموعي اغسل ترب خدك



****



فگدك فگد للصبر ضيه وابمصرعك طايح اصبيه



يا من چنت للگلب فيه يتنومس ويمرح ابسدك



*****



لمن شفت دمك المسفوح هاجن عليك الگلب والروح



عگبك لجيم الحزن والنوح واهمل مصب الدمع بعدك



****



ما مش دوه ايلام الطبره وناديتك ابجمرة الحسره



عگبك دليلي انفگد صبره يا من يهز الجبل فگدك



****



يبني علي ويا امل دنياي يبني علي ويا ضوه عيناي



باصرني شنهو البصر والراي يامن ذوه ابمصرعك وردك



****



يازهرة البالأمل تنفح هالزهره بالدم غدت تنضح



متنثره ابخطة المذبح يومك فجع كل اهل ودك



****



لمن طحت والأجل وافاك اهجس دليلي انصرع وياك



يالعاهدتني تضحي ادماك وفيت يالاكبر ابعهدك



*****



الشاعر جابر الكاظمي
" دمشق 1981"



منقول من الايميل