المساعد الشخصي الرقمي

مشاهدة النسخة كاملة : ياعلي مهموم اشتكيلك حالي


عشقي حيدر
02-03-2009, 06:39 AM
هي عونة ال يطوف بحضرتك مظلوم ********** وهي عونة ال يشكي همومة بالحضرة

يا سيف النبي ويا فرحة المسكين ********** ويا باب الصبر للي خلص صبرة

تمنيت بضريحك روحي منن تروح ********** يا زوج البتول الطاهرة الحرة

حتى الانبياء تندب علي الكرار ********** اسمك يا علي بالموزمة شكبرة

تاريخك مجد يا سيد التاريخ ********** يا علم الفلك والكون والذرة

منو مثلك علي ضحى شكثر للدين ********** واخر تضحياتة يضحي في عمره

ومنو ال سموا اسد في معركة صفين ********** و بصولة بدر خلة الزلم حدرة

ومنهو الي قهر امة بني اسرائيل ********** وضلت الى الان باسمة منقهرة

علي اسمك كبل ما واحد مسميه ********** جبرائيل خط اسمك على الصخرة

بالكعبة يا حيدر طلكت امك بيك ********** وحتى الجني الازرك لبد في جحرة

يونس ندب بيك انت كبل لصير ********** وكال احضر علي وخلصنة هل المرة

يندب يا علي ال مضايق ومظلوم ********** وال يندب علي شكد ينفتح صدرة

عفية شكد عظيم انت يا ابو الابطال ********** الجن والانس منك كلهة متوشرة

منو غيرك شفيع النة يابو الكلفات ********** لو قامت الساعة بنارهة الكبرة

يا ركن الرسالة ويا ابو ثار الله ********** ويا اول القدرة واخر القدرة

ويا سيف الفقار وقاري علم الغيب ********** يا بير محمد ساعة الوزرة

يا صنديد يل مثلك فلا موجود ********** والكعبة ال طلكتك مو حقهة مفتخرة

عاشرنة طريقك باول المشوار ********** وبس ابن الزنا الي ينكر العشرة

والله يا علي من ننخاك وكت الضيج ********** همومي تروح كلهة وتنجلي الحسرة

محمد بالغدير شكال للاسلام ؟؟؟ ********** مو وصة لعلي بعدي بالامرة

ويتبرة محمد منة يوم الدين ********** كلمن ما حزن في ليلة الطبرة

علي وابنة حسين ال عجب الثورات ********** بيرق رفع راسة باخر الثورة

حسين ال ما خذل دينة وكتاب الله ********** شلون يذل حسين وامه الزهرة

نادى الموت اولى من ركوب العار ********** وخل جيوشهم على الارض مطشرة

وابنك ابو فاضل بالغضب بركان ********** ليث وبالشدايد محد يكدرة

سحكهة بالفرات خلة دمهة يسيل ********** تمنيت الفرات يشح ولا كطرة

لان عطش جبود المصطفى الاحرار ********** وعباس انغدر باليمنة واليسرة

مهموم اشتكيلك حالي يا مولاي ********** انا بصدري يا حيدر غافية العبرة

توازت يا علي والباطل السياف ********** والحق صار اخرس وانكسر ضهرة

ما يخدر جرح ولا يريد يطيب ********** اسم فرعون بيه الجرح شي خدرة

الضلع انكسر واختلت الاوزان ********** ومنو غيرك غضنفر يكدر يجبره

يا حامي الحمة شنسوي محتارين ********** تعبنة من الدماء والظلم والهجرة

ماصارت كبل حتى بزمن نمرود ********** ال سواهة يزيد وزمرته وشمره

انا منين اشتكيلك واحجي من يا باب ********** من هذا زماني القاسي وغدره

حقدوا على النسل جي منن علي الكرار ********** شجم هاشمة اية ال ضيعوا ذكره

خلصنة انتهينة كلي وين نروح ؟؟؟ ********** وعيشتنة صفت يا عيشة الكشرة

يا حاكم يجينة يكض علينة الصوط ********** كصو بسيوفهم وجفوفهم قذرة

اعتقالات ومشانق سجل التاريخ ********** وماكو من ضلمهم كل بشر يبرة

شكد سنين عشنة بعالم الاحزان ********** كل يوم ال يجي ونتامل البشرة

من هالك لمالك ننشرة وننباع ********** و وطنة يا علي صار بورق سعرة

لحد من سيدي استعمار باستعمار؟؟؟؟ ********** ويا حاكم يجينة محمل بشرة

انطينة تضحيات من الشباب هواي ********** مو مليون يمكن حتى تعدوا العشرة

شجا هذا الوطن بي كثرة الرايات ********** كلمن رايتهة ودستوره وقصرة

وشجا هذا الوطن يا وطن البترول **********الحرامية تحوف ومحد ينطرة

للشاعر ابو محمد المياحي

خديجة الكبرى
02-03-2009, 08:50 AM
الله ـــم صلي على محمد وآل محمد



يندب يا علي ال مضايق ومظلوم ********** وال يندب علي شكد ينفتح صدرة



ياعلـــــــــــــــــــــــــــــــي يا علـــــــــــــــــــــــــــــــــي يا علــــــــــــــــــــــــــــــــــي



رحم الله والديك على ها النقله الرائعه


موفق لكل خير بمحمد وآل محمد

حيدريه
02-05-2009, 10:09 AM
بسم الله الرحمن الرحيم
اللهم صل على محمد وآل محمد وعجل فرجهم
السلام عليكم والرحمة والإكرام

إذا ضاقت بنا الشده نناديك يامولاي بأعلى أصواتنا ياأبا الغيث أغثنا ياااااعلي أدرنا

:: عشقي حيدر ::
سلمت يمناكم على هذه النقلية الرائعة ووفقكم الله رب الجليل وسدد خطاكم
حشركم الله تعالى مع من تحبون ورزقنا وأياكم جنان الخلد وممن نشرب من حوض الكوثر من يد مولانا وسيدنا أمير المؤمنين علي بن أبي طالب سلام الله تعالى عليه ..
وصلى الله على محمد وآل بيته الأطهار

خادمة أهل البيت
حيدرية