المساعد الشخصي الرقمي

مشاهدة النسخة كاملة : ميلادك ميلادك - أول سر امجادك


عمار جبار خضير
06-26-2009, 10:34 PM
ميلادك ميلادك = اول سر امجادك
يل شخصك نبراس الدين = ياحيدر يابو السبطين
ميلادك ميلادك
---------------
دنيانه بميلادك ضوت بالانوار = ياكرار
وبجيتك فرحانه الكعبه ويه المختار= ياكرار
هاي اول اياتك لاحت بالاسرار = ياكرار
ميلادك بالكعبه وقبلك لا ما صار = ياكرار
البيت العالي شانه = فاتحلك بيبانه
ولجيتك فاتح بابين = ياحيدر يابو السبطين
ميلادك ميلادك =
---------------
من شافك هادينه استبشر بالافراح = ياكرار
عاشق ويغازل معشوقه وكلبه ارتاح = ياكرار
يل عطرك من ريح الجنه هل وفاح =يا كرار
انته من الباري وآياته نورك لاح = يا كرار
بيك الهادي استبشر = يا حيدر ياحيدر
وهو المشتاك من سنين = ياحيدر يابو السبطين
ميلادك ميلادك =
---------------
خدك ورد الجوري الاحمر يا محلاه = ياكرار
وحور الجنه بوجهك صاحن يا الله = يا كرار
نفس الهادي ودرعه وسيفه اونته الواه = يا كرار
يحك للعاشق لو يتغزل في مولاه = يا كرار
انته الحب الغالي = يالساكن دلالي
والساكن برموش العين = ياحيدر يابو السبطين
ميلادك ميلادك =
---------------
موسى وعيسى الليله بجيتك مبتشرين = يا كرار
وابراهيم وجدك آدم فرحانين = يا كرار
ويوسف برموشك يتغزل يابوحسين = يا كرار
وجبريل يكلك يا حيدر مشتاقين = يا كرار
يا نور الله الباهر = هزنه الشوك الغامر
فرحانين ومبتشرين = ياحيدر يابو السبطين
ميلادك ميلادك =
---------------
يا فارس صفين وخيبر والاحزاب = ياكرار
تختم بيدك صك الجنه للأطياب = يا كرار
هنياله الشم عطر الحضره وبيكم ذاب = يا كرار
ماخاب الينخاك بشده داحي الباب = يا كرار
زوارك زوارك = تلثم فيض اثارك
وصوب المرقد متوجهين = ياحيدر يابو السبطين
ميلادك ميلادك =
---------------
عمار جبار خضير
4-رجب 2009

بنت التقوى
06-27-2009, 04:01 AM
مباركين شاعرنا المبدع بمولد الأطهار بشهر الخير

عمار جبار خضير
06-28-2009, 04:03 PM
مباركين شاعرنا المبدع بمولد الأطهار بشهر الخير

شكرا لمروركم

بنت الحسن والحسين
09-03-2009, 05:49 PM
مباركين شاعرنا المبدع بمولد الأطهار بشهر الخير

bilalo25
10-09-2010, 01:30 AM
بارك الله فيك يا شاعر اهل البيت

ولدالمدينه
10-09-2010, 03:08 AM
صح الساااااااااااانك

عزيزي على القصيده المميزه

بارك الله فيك

تحياتي لك

زهرةالليالي
10-09-2010, 03:20 AM
يعطيكم العافية