المساعد الشخصي الرقمي

مشاهدة النسخة كاملة : وانفجرت القنبلة (((أكثر من 400 نكتة))) لا تفكر إدخل يلا


alhadidi6
04-09-2005, 11:02 PM
السلام عليكم ورحمة الله وبركاته

هذه النكت هي نتاج تجميع دام شهرين وارجو أن تعجبكم هذه النكت


ما عرفت وين أحطها ما لقيت إلا هنا


المهم في ملاحظتين عشان لا أغثكم بالكلام :
1- لا أوصيكم على الردود
2- أنصع إللي يبي يقرأ يصك النت عشان لا يصرف

تفضلوووووووووو


- قروي سألوه وش معنى حساس بالإنجليزي قال "سنستيف" قالوا طيب وش معنى حشاش بالانجليزي قال " شنشتيف "
-في قروي سمع عن دورة المياه راح سجل فيها.
- في واحد أتزوج شغالتهم ليش ؟؟؟ عشان ياخذ الراتب .
- في مدرس محشش دخل علي الطلاب قال وش عندكم اليوم قالوا خط قال انتبهوا من البعارين .
- فيه واحد قروي وقف عند التفتيش ومعه شريط فيديو قاله العسكري هات الفيلم الخليع اللي معك وشلون عرفوا..كاتب على الشريط.البرازيل 2 *التعاون 1
- يقولك فيه واحد نذل على فراش الموت جالس يوصي عياله على النذاله يقولهم الله الله بالنذاله وهذي وصيتي لكم قبل ما أموت واحد من عياله تأثر الضعيف قام قطع عن أبوه المغذي .
- في ثلاث قراوى دخلو بيتزا هت وطلبو بيزاا جلسو ويطالعونها وطولوا وهم يطالعون جاهم الويتر وقالهم ليش ما اكلتو قالوا له متى تجيب الخبز ما تنفع شكشوكه بدون خبز
- في حرمه جلست ولدها فوق الدولاب ليش ؟0علشان إذا وقع على الأرض تسمعه .
- في عربجي حك راسه طلع له المارد وقاله شبيك لبيك المارد بين اديك العربجي ما صدق خبر قاله أبي منك مزرعه كبيره قاله المارد وهو متعفس وجهه لو عندي مزرعه ماسكنت في كشتك .
- في واحد يبي يشتري دش ماعنده فلوس باع التلفزيون .
- فيه حواطى يدرسون في الظلمه ليه ؟يجربون الدراسه الليليه .
- فيه قروي يمشي على ايدية ليش؟؟ لأنه دفع أمامي .
- ليش الليمونه لونها اصفر؟؟ واحد مخرعها .
- فيه خروف منحاش عن باقي الغنم ليييش.......خايف من مرض الوادي المتصدع.
- في ذبابه كانت تطير و تقول زززززز دعمت الجدار و قامت تقول ذذذذذذذذذذذذذ .
- فيه قروي لابس بجامه ويتمشى عند الفيصليه ليش؟ يعني اني ساكن فيها .
- واحد يبى يتغشمر مع مرتة طلقها.
- واحد يقول لصاحبه أنت ليه دايما تقول لزوجتك ياروحي وياحياتي وياعمري قله ياخوي استر علي تراني نسيت اسمها .
- فيه خبل ضاع منه نص ريال في مكان مظلم راح يشعل في الريال اللي معاه علشان يدور على النص ريال .
- في عجوز زلقت في الحمام قالت فااااااااول .
- واحد سكران دقت عليه أمه قال لها مين عطاك الرقم يا حلوه .
- واحد خالع يرقم وحده طلعت أمه .
- قروي كان راكب مع زوجته بالسياره نزل يشتري حاجه من السوبر ماركت ولما رجع تذكر انه قفل على مفتاح السياره فعلى طول راح جاب علاّقه وهو يحاول يفتح قفل الباب ، زوجته كانت تاشر له من داخل السياره وتقول: يمين.. لا يسار أشوي.
- في واحد سأل واحد أسود قاله أنت ليش كلك أسود الا عيونك وأسنانك قام قله أنا يوم دهنوني كنت مغمض عيوني ومسكر فمي ,
- فيه واحد خش المسجد يرتجف ليش؟ مبرشم سورة الفاتحه .
- في واحد حرامي قاعد يلحق وحدة عجوزة في الصحراء ليش ؟ عشان اسمها خزنة.
- فيه احول فرش فراشه نام جنبه .
- مره واحد احول طلق حرمة أخوه .
- فيه قراوى مجتمعين يهزون الفيصلية ليه؟ يبون يطيحون الكرة اللي فوقها
- الزواج ثلاث دبل دبلة خطوبه و دبلة زواج و دبلة كبد .
- فيه خكري مره ربى دقن طلعت ورده .
- فيه سكرن سال واحد قال وش اسمك قال له خالد العيد قال السكران وش تقرب لمسجد العيد .
- واحد خجول جدا تزوج وفي الصباحية عند ما قام من النوم قال لعروسته صباح الخير يا آنسة قالت له من تياستك .
- في طالب عجاز طاح قلمه في الاختبار سلّم الورقة .
- في ثنين يبون يشوفون الأخبار قال الأول الأخبار طولة قال الثاني :يمكنها الحلقة الأخيرة .
- في محششين في خيمة بالبر المهم بعد ما أنسطلوا طلب واحد منهم ولاعة عشان يدخن قالوا مافي ولاعة اطلع دور يمكن تلقى المهم أخونا اخذ لفة على الخيمة ورجع دخل على اخوياه وسلم عليهم وقال ممكن ولاعة يا شباب قالوا له استرح طال عمرك في واحد راح يجيب ولاعة وبجي هالحين .
- واحد خكري راح يعزي وتأثر مره مرررره وهو طالع قال لاخو .. المتوفي طيب يعني ما فيه أمل يرجع؟؟
- اثنين طلاب تأخروا عن المدرسة...المدير سأل أول واحد ليش تأخرت؟ قال ضيعت ريال. سأل الثاني ليش تأخرت؟ قال أنا كنت واطي على الريال حقه.

الباقي بعدوووو
فيه واحد قروي قاعد في حفرة ليش ؟؟..... يفكر بعمق .
-فـيه أربع خكارية يبون يذبـحـون خروف ... قـبـصـوه
- مره بيعدمون قروي سألوه وش أمنيتك الأخيرة قال لهم يا رجال ما بيننا و بينكم شي و خلها مستوره و ما قصرتوا ، يوم لفوا عـليه الحبل و جو يشدونه قام يصارخ و ينادي لحظااااااااااه قاموا وقفـوا وقالوا له خير وش تبي قال : ياخي بغيت تذبحني .
- معلم و معلمة تزوجو كتبو الكتاب في السبورة .
-فيه ثنين قرعان تهاوشوا عشان مشط .
- فيه ذبابه دخلت غرفه شباب محششين واخر الليل قاموا الشباب يحششون وصكوا الباب انحشرت الذبابه وقالت اجلس الين يفكون الباب وبعد ما شفطوا ست سجاير نزلت عليهم الذبابه مسفحه تقول جاكم الصقر.
- فيه قروي عطاه البنك بطاقة صراف الغبي غلفها .
- واحد قروي ماراح يصلي الجمعه ليه ؟؟؟؟.لأنها منقوله على الهواء .
- ايش قمة النرفزة ؟...انه واحد تكون يده معلقة على شجرة ويده الثانية مقطوعة وبطنه تحكه .
- أش قمة العجب ؟.....انه أحد يفتح لك باب الثلاجة من جوه
- أش قمة الأدب ؟.....انه تدق باب الثلاجة قبل ما تفتحها
- أش قمة الحيرة ؟.....انه يحطوك في غرفة مدورة ويقولوا لك دور على ركن .
- فيه شمس غابت جابت عذر ..
- سأل الشرطي امرأة تقود السيارة هل رأيت إشارة المرو )قف) فأجابته نعم فقال لها إذا لماذا لم تتوقفي فأجابته لأنه مكتوب عليها (قف) وليس ( قفي)
- سال الولد أباه قائلا كيف تعرف أن الشخص مخمور فقال الأب الشخص المخمور يا ولدي ترى تلك الشجرتان أربع شجرات ولما نظر الولد إلى حيث أشار أبوه رأى شجرة واحدة فقط
- فيه ثلاثة خبلان طلع لهم مارد وقالهم طلباتكم مجابه جاء الأول وطلب مصنع ذهب وجاء الثاني طلب مصنع فلوس وجاء الثالث طلب من المارد انه ما يحقق لهم طلباتهم .
- قروي ما يعرف العلك، وشراله علكة، قعد يعلكها لين الليل و يقول:و الله ماني نايم لين أخلصه .
- قملتان في رأس واحد أصلع وحدة بتقول إلى أختها أنا عطشانه الثانيه قالت لها أسكتي أحنا ماشين في صحره .
- فيه سياره مي راضيه تشتغل ليه؟؟ تبي تكمل دراستها .
- في جني حول بيدخل في واحد دخل في جدار .
- فيه غبي شاف نافورة جاب لها سباك .
- في صيني يبون يعذبونه افتحوا عيونه .
- في نمله تقلبت من الجبل ليش؟؟؟ تبي تسوي فليم هندي .
- كان في واحد سكران ...شاف موزه قال ::الله يعيني على الزلقه .
- في وحده بنت تكهربت قامت جدتها تصفق..ليش؟ تحسب أنها ترقص
- فيه قروي نامت رجله طفى النور .
- قروي حب وحدة اتزوج اختها علشان يشوفها كل يوم .
- فيه واحد سكران طاح من عماره تجمعوا عليه الناس وسالوه وش صار قال والله ما ادري توني جاي .
- في قروي ماتت امه دفن ابوه .
- فيه واحد غبي راجع ريوس بالسيارة ليش؟عشان يجييب المنديل من ورا
- فيه واحد سألوه ودك لو أبوك يموت على شان تارثه قال :لا ودي تصدمه سيارة على شان آخد الدية والورث .
- في قروي شرا بيت وظلله .
- فيه نذل انقذ واحد غارق ليش؟؟؟عشان ما يصير شهيد .
- في مرة نملة تزوجت فيل فمات ،فأمضت النملة عمرها تحفر له في قبر
- واحد...دخل على عياله اللي نايمين وطاح فيهم ضرب...هو يضرب وهم يصيحون...وهو يضرب ويقول....إنتم 3 ومشغلين المروحه على خمسه يالملاعين؟؟
- ياباني عطس قال :هيتاشي .
- في واحد نذل يوم جاء يموت وصى اولاده بالنذاله ومات ! جا ثاني يوم اولاده رموه في الزبالة!!!!!!!!!
-فيه قروي ماينام باليل ؟عشان يعرف من يحط الغمس في عينة .
- اثنين قروية راكبين شبح السواق قطع أول اشاره قال اللي بجنبه يا اخوي تبي تموتنا قال تعرف شي في الشبح قال لا قال اجل اسكت وعلى ها الحال مع ثاني اشاره إلى أن صدمتهم سياره قال الراكب خلاص انبسط تبي تموتنا قال السواق تعرف شي في الشبح قال ايوه قال وين الفرامل .
- فنيله داخليه تلحقها الشرطه ليــش؟سمعوا أنها تشرب عرقك .
- قروي يفتح الثلاجة على مهله ليه؟؟؟...عشان يعرف مين بيشعل الضو
- في واحد دخل مطعم فول وتميس ثمن طلب له صحن فول وهو يأكل شاف جناح صرصور في الفول نادى الهندي اللي يشتغل في المطعم قال له ايش هذا رد عليه الهندي صديق أنت يجمع صرصور في يأخذ سيارة فيه ديك مزكم ليه؟؟ متزوج دجاجه مثلجه .
- فيه خكري التزم تحجب .
- ثلاثة نصابين قال الأول شفتوا البحر الأحمر هذا أنا اللي لونته وقال الثاني شفتوا البحر الميت أنا اللي قتلته وقال الثالث شفتوا البحر الهندي هذا أنا كفيله .
- في ريال متحجب ليش ؟؟ لانه طالع من البنك الإسلامي .
- واحد يسأل أمه ليش أبوي اقرع .. قالت له يا ولدي هذي علامة الذكاء.. قال لها الولد أشوف شعرك طويل - فيه قطه تمشي على الجدار وفجأة وقفت ليه؟ أنتها الجدار .
- في زرافة داخلة السوق ليش ..!!! تدور على بدلة أم رقبة .
- بعير راح يخطب زرافه أهلها ردوه ليه ؟ يقولون ما نعطي بنتنا لبدوي
- فيل تزوج نمله وش جابوا ؟ فيل يمشي على الحايط .
- يقولون في واحد غبي حلق شنبة راح لأصدقاءة وهو يقول تصدقون أني ما عرفتكم .
- عجوز شقلبت بالحمام دبل كيك سجلوها في المنتخب .
- اثنين يمشون لحالهم بالصحراء قال الأول للثاني تسمح كلمة على انفراد
- هندي تلحقه دوريه دخل بالمخفر .
- في حمار أتقدم يخطب حمارة أبوها رفسه .
- في مدرس تاريخ أول يوم له في التدريس دخل الفصل وسال الطلاب مين قتل نابليون ماحد عرف ناده المدير وقال له ماحد عارف مين قتل نابليون المدير قله كيف قيام جلوس وجاء للمدرس وقله انته متأكد انه نابليون انقتل عندك في الفصل .
- ثلاثة مجانين أراد الطبيب أن يختبرهم أيهم الذي قد عقل ففرش سجادة وطلب منهم السباحة قفزوا إلا واحدا وظن أنه أعقلهم ولكن لما سأله لماذا لم تسبح قال أخاف أن أغرق .
- فيه حرب بين قرويه ومحششين مات عشره من القرويه قاموا أرسلوا واحد بوانيت يجيبهم وهو في الطريق سمع الراديو يقول وصلنا الآن الخبر التالي وفاة سته من القروية قام وقف القروي وطلع فوق سطح الوانيت وقال الأربعة اللي يستهبلون يقومون .
- قروي راح وكالة ناسا لأبحاث الفضاء ألا يبغى يروح القمر وبعد الإصرار حطوه في الصمان قالوا له هذا القمر ومن الفرحة لقى واحد يقول : أنا حران من الشمس . قال وأنا عطيه من الأرض .
- قروي راح الحج ولما رجع أتذكر انه مسيحي .
- في قروي حب يدخل العسكرية رسبوه في الكشف الطبي ليش؟ ارجلوه ثنتيهم يسار .
- هندي حط خمسين فلس بقلاص ماء ليش؟ علشان يشرب مياه معدنية
- وحدة غنت أغنية قديمة طلع من فمها غبار .
- سواق وصل زوجته بيت أهلها شغل العداد .
- أثنين قرويين دخلوا مطعم قعدوا جنب مراية طلبوا أربعة شاي .
- فيه محششين مسلحين ..مسكوا واحد وقالوا له أنت معانا ولا مع الثانيين قال معاكم معاكم' قالوا لكن إحنا الثانيين .
- فيه قرويه راحو البر و خلوا واحد فيهم ليه؟ مخلينة تذكار .
- في ثلاثة قروية مجنانين قال لهم الدكتور كل واحد يأكل كرتون مسامير كلو اثنين ألا واحد قال للدكتور مافي خبز مع المسامير .
- في واحد بخيل يصيح ليش لانة ضاع علية ريال .
- فيه قروي شرا له جوال ركب عليه الكاشف .
- فيه طفل صغير دخل عند راعي بقالة وقاله عندك عشرة آلاف علبة بيبسي قل لا والله ما عندي ثم جاة اليوم الثاني وقاله عند عشرة آلاف علبة بيبسي قاله أنت شكلك تضحك علي ضف وجهك ولا أشوفك مرة ثانية وبعد ما طلع الولد من عندة فكر وقال يمكن يكون الولد صادق ويكون عندة عرس أو أي شي ثاني ثم جاب العشرة الآف علبة بيبسي وحطها في تريله قدام الباب وجاه الولد اليوم الثاني وسئلة عندك ياخي عشرة الآلف علبة بيبسي قاله ايوه عندي قاله البزر طيب يامهبول من اللي بيشتري هذي كلها .
- في قروي يبي ينشف حلقة بلع فوطة .
- فيه قروي لابس كل ثيابه ليش.؟ بايع الدولاب .
- في واحد يبغي يتغلى على زوجته... سافر بالخارج 4 سنين و رجع .
- فيه عجز يلعبن ورقه تهاوشن على الشايب .
- فيه سود يطلعونه ويدخلونه في البحر ليش ؟ دعاية شاي لبتون
- فيه ديك فاتح الثلاجة ليش؟ يشوف الدجاج مصلوخ .
- فيه خكري ليلة زواجة دخل على زوجتة رمى الرقم وطلع .
- نملة تجري ورى اسعاف ليش ؟ تبي تتبرع بدم .
- فيه واحد قروي أشترى الفانوس السحري قاله الجني شبيك لبيك أمر تدلل قال القروي أبي طريق من القروية إلى أمريكا قاله الجني انس الموضوع مستحيل أطلب أي شي ثاني قال أجال أبى كل القرويه أذكياء قال الجني مدري الطريق اللي أنت تبيه سيد ولا سيدين .
- فيه بستين جالسين يتكلمون قالت وحده منهم : ميو قالت الثانية ميو قالت البسه الأولى ميو ميو قالت البسه الثانية : لا تغيرين الموضوع .
- واحد تهاوشت حرمته مع الشغاله حط كل وحده في بيت .
- خروف يلحق أسد ليش ؟؟؟؟؟؟؟؟؟ بايع الدنيا .
- فيه خروفين جنب بعض قال الأول باااااء قال الثاني : توني بقولها .
- في دجــاجه واقفـه عـلى الحـدود ليه؟ تـهرب مـاجي .
- في نمله ميته على الشاطئ ليه: من ضحايا تايتانك .
- فيه بسة محششة ماشية تقول الله يلعنها هي نيو ولا ميو .
- واحد مجنون قاعد يكتب رسالة سأله الطبيب لمين تكتب هالرساله قال المجنون أكتبها لنفسي ..قال الطبيب وش تقول فيها؟ قال المجنون : صاحي إنت كيف أبعرف وهي مابعد وصلتني...؟!
- فيه ناس بيتهم مسكون (أعوذ بالله) المهم تعبوا مع الجني يبيونه يطلع ماطلع ذاك اليوم راحوا لمطوع قال لهم تراه موب طالع إلين ما تنقلون لبيت جديد ..يوم تجهزوا الشباب و جو بيطلعون من البيت طلع الجني مبسوووط ويقول :هيـــــه بنروح بيت جديد بنروح بيت جديد ..!!
- في مره عجوز دشت الحمام قالت اللهم أعوذ بك من الخبث والخبائث قال لها الشيطان من حلاتك ألحين .
- مره بيعدمون قروي سألوه وش أمتيتك الأخيره قال لهم يا رجال ما بيننا و بينكم شي و خلها مستوره و ما قصرتوا،،، يوم لفوا عليه الحبل و جو يشدونه قام يصارخ و ينادي لحظااااااااااه قاموا وقفوا و قالوا له خير وش تبي قال : ياخي بغيت تذبحني
تفضلوووووووووووووووووو

- فيه وحده شييييينه شافت مرايه قالت حتى هذي غشوا فيها .
- في دجاجه انتحرت وكتبت في وصيتها خلو ماجي ينفعكم .
- ناس يبغون يسون عرس سكيتى جابوا طقاقات طرمان .
- فيه بقرة عليها خط احمر ليش ؟ قليله الدسم .
- واحد حلق شواربه ودخل على أهله قال انتو مين .
- بشع تزوج بشعة، خلَفوا ولد ، رموه بالقمامه .
- واحد مايعرف يسبح راموه اصدقاه في البحر لكنه لم يغرق ...ليش؟ لانه لوح .
- في واحد راح الملعب معاه علم اسود ليش..؟يشجع الحكم .
- فيه اثنين محششين مسافرين وفيه بعير على الخط الراكب يقول للسواق تشوف البعير قال السواق اشوفه المهم صدمو البعير ودخلو المستشفى بعد يومين سال الراكب السواق ماقلتلك تشوف البعير؟قال السواق نسيت أحسبك أنت اللي تسوق .
- فيه واحد سئل ولد عن أبوه قال أبوك يدخن قال الولد والله مادستله الأبنص
- كان في راجل كريم تزوج ست كريمه...جابوا ولد أعطوا للجيران .
- فيه شئ اسود وفوق البحر ويقول ميو ..ايش هو؟ غراب يستهبل .
- في بيبسي يتمشى في الشوارع ليش؟ فاضي .
- فيه محشش طـب على بيت .يبي يسرقة دار في البيت كله مالقى شى يسرقة وهو طالع لقى عجوز نايمة في الصـالة... رفـسـها وهـج ....
- فيل و نمله دخلوا دي جي بعد ثواني طلعت النمله وهي زعلانه ليش ...؟ لأن كانت الأغنية تقول فيلينج..
- في واحد كل ما يدخل الحمام يطلع جني ويقول له :مساء الخير والإحساس والطيبة...الخ بعدين راح لشيخ وقال له القصة فقال له الشيخ :لازم تقفل الحمام لمدة سنة....بعد سنة فتح الرجال الحمام طلع له الجني وقال: مرت سنه مالك على البال طاري .
- قروي راح عند راعي الثلج قاله عندك ثلج قال البياع:اي عندي قاله القروي:عساه بارد
- فيه قروي قال لزوجته نكته قالت ها هاها بايخه قال هاهاها انتى طالق .
- مره واحد عنده جيب شروكي وجاره مدرس كل يوم يرجع محشش فاكل ماشاف السياره كتب على 4 .
- في مرة واحد اشترى سخِّان ليش؟ لأنه بارد .
- في إثنين ركبو سيارة واحد ساق واحد فخذ .
- وش وجه الشبه بين القطوه والحرمه ؟؟؟ كلهم يلاحقونهم كلابه .
- فيه واحد رجع في كلامه صدم اللي وراه .
- مرة عجوز عطست جاها شد عضلي .
- واحد شامي سأل واحدة شو اسمك؟ قالت له بدور قام قال لها يا حرام لك ما بتدوخي؟
- واحد بيحط راسه في قارورة لييييه؟....رقبته سدادة .
- نملة أتقدم لها عمود النور رفضته ليييييش؟....عشانه ولد شوارع .
- يقول هاذي عجوز راحت تعزي على ناس.... ماتت عندهم .
- واحد كان يمشي في الشارع شاف اشاره ممنوع الوقوف.......انبطح
- في نكتة في السجن ليش ؟ موتت واحد من الضحك .
- حضر أشعب مائدة بعض الأمراء وعليها جدي مشوي فقال له الأمير أراك تأكله بشره كان أمه نطحتك فقال أشعب أراك تشفق عليه كأن أمه أرضعتك
طماطم عطست قالت كاااتشب .
- في نمله داشه البحر ورافعه أيدها اليسار .ليش؟؟ ساعتها ليست ضد الماء
- في حشاش وهو قاعد يحشش كانت ذبابة فوق راسه تقول ززز زز ززز المهم قفلت معه ولا عرف يخش جو فيوم انه باقي آخر مره من السجارة مزها وكتمها في صدره ومسك الذبابة ونفخ الدخان في يده وبعدين ترك الذبابه فراحت وطاحت على الطاولة مروقه مرره فراح المحشش عندها وجلس يقول زز ززز .
- في ذبابة متحجبة لييه؟؟؟ تمثل دعاية بف باف (للقناة الأولى) .
- في واحد قروي شرب الدوا قبل موعده ليه؟ علشان يفاجأ الجراثيم .
- في واحد طلع على المعاش معرفش ينزل .
- فيه شمس غابت اتصلوا على أبوها .
-في معوق قفلت معه مشى؟؟
- في واحد قصير تزوج واحدة قصيرة جابوا ولد جلس على السجادة وتندل رجليه .
- ايش اسم أسرع واحد في الصين؟؟؟ وووووووووووووووون .
- ايش اسم وزير الكهرباء باليابان؟؟؟؟؟؟ ياما كنطك ياما .
- في واحد يحب يتسمع على الموسيقى الهادية اشترى شريط فاضي .
- واحد كان قاعد في عزا لأنه زوجته ماتت بس كان بيضحك..ليش..؟؟؟ لأنه أول مره يعرف هي وين رايحه..هاهاها .
- في عنزه طاحت من فوق عماره قالت مييو ليه؟ خانها التعبير
- في بقرة دخلت السجن ليش؟ شافوها تأكل حشيش .
- واحد انزنق في قرشين انفغص .
- كريم أتزوج كريمة خلفوا ولد أدوه للفقراء .
- واحد رفع قضية طاحت عليه .
- واحد اتهموه بالذكاء طلع براءة .
- مذيعة بتسأل واحد اسمك إيه؟ قال لها ما في اختيارات؟
- قروي بيتمشى في الشارع جات سيارة خبطته...روحه طلعت وهيا طالعة جات طيارة خبطت روحه .
- قروي محظوظ لقي خاتم سليمان دعكه العفريت مات .
- فيه بقالة سوت رجيم صارت بسطه .
- واحد دخل السلك الدبلوماسي ...تكهرب .
- واحد تعبان من المشي وراح يركض .
- قروي عنده ضيوف في البيت ويبي يعشيهم ، دخل مطعم وطلب عشره شاورما سأله المعلم سفري أو محلي رد القروي عليه : نص كذا ونص كذا .
- بخيل احترق بيته اتصل بالمطافى رنه وسكر .
- أثنين سكرانين تهاوشوا واحد يقول اللي يطلع في السماء في الليل هو القمر والثاني يقول لا أسمها الشمس و على هالحاله،، المهم مر جمبهم سكران زيهم قالوا له وش رايك أنت يالحبيب هذا اللي فوق أسمه شمس ولا قمر؟؟؟ قال لهم السكران: معليش يا شباب ماني من أهل الديره .
- فيه ..هم يبكي ..وهم يضحك ..وهم برجر..
- فيه محشش جالس وجنبه مسامير رمى واحد مهنم وقاله تعال وطبعا ماجا مسك المسامير ونطلهم عليه وقال هاتوووووه .
- في خال ماسك سيم ليش ؟؟ لانه خال وسيم .
- واحد قروي دخل البقالة وسرق ايس كريم برتغال وهرب يركض وطلع صاحب البقاله القروي يركض يركض وراه ليش؟؟؟؟؟ عشان يعطي الأيس كريم .
- في زجاجة وسكي اسلمت ليه؟؟....تزوجت ماي زمزم .
- مرة ثمانية قرويين أرادوا أن يدفعوا سيارة فلم يستطيعوا لماذا؟؟ لأن أربعة كانوا يدفعون من الأمام وأربعة كانوا يدفعون من الخلف .
- في قروي يسوي خمسات ليه .. يبغي يشوف رقم اللوحه .
- فيه عجوز عمرها وصل 120 قالت :تن تن تن .
- قروى أكل موزة وقال يزينها بس البزر كبير .
- تاير (كفر) سوى رجيم عشان يصير عقال .
- نملة..ماتت أمها ولا بكت عليها حابسة دمعتها ليه .....خايفه يا عيني الكحل يسيح .
- في اثنين خبلان اتصل واحد منهم بالثاني الساعة 3 الفجر وقاله لو سمحت رقم الجامعة واحد واحد واحد واحد واحد واحد قاله الثاني لا رقم الجامعة احدعش احدعش احدعش قاله طيب شكرا وآسف على الإزعاج قاله الثاني لا عادي أصلاً كان لازم أرد على التليفون .
- ليش القطار مهم ؟؟؟ لان تحته خطين .
- أمسكت الشرطة بشخص فقالت له هل عندك حبوب قال هل عندكم كيرم .
- واحد قروي قال لبوه أبى هوندا ... قاله اتخسي مالك ألا بنت عمك .
- في هللات مطشرة في الشارع ليه؟؟؟؟...ريال مسوي حادث .
- مره في نمله راكبه على خنفسانه ليش؟ على باله راكبه يوكن .
- في واحد باع التلفزيون أشترى فيديو .
- نكته مندسه وراء الباب .........؟؟
- فيه سكران طاح بحفره وكلما جاء يطلع طاح وكل مره يحاول يطلع يطيح قال: والله أن ماطلعت هالمره والا ابروح لبيتنا .
- فيه قروي راح لمطعم وطلب ثلاثه بروست قاله راعي المطعم :تبغى محلي والا سفري ,قال القروي : شكّلنا يارجال .
- في أثنين محششين واحد قال للثاني شايف الكتابة اللي على الجدار راح قاله شايف الكتابة بس فين الجدار.
- اثنين راحو الحلاق واحد خفف والثاني دعم .
- في واحد راح يقعد بالقهوة قام قعد بالشاي .
- مره واحد مدمن تاب رمى كل المخدرات في بركة ...شوي طلعت سمكة من البركة تقول انا أنا أنا تمســـــــاح ؟
- ابن صالح كامل صاحب محطةا..ر..ت..نجح وطلع من الاوائل....شفره
- يقولك فيه زول راكب سيارة كورلا وجنبه الحجه راكبه وشاف سياره بي ام دبليوا اخر موديل وفيها واحد وجنبه وحده زى القمر فقال فى نفسه شوف الحظ راكب بي ام وجنبه الشبح ...وأنا راكب الكورلا وجنبي الغورلا .
- واحد سافر علشان يشرب ولمن وصل للفندق كل يوم يشرب ثلاث سطول وسكي وسألوه الناس ليش تشرب ثلاثة كل يوم قال لهم اشرب واحد لي واثنين لربعي وبعد أسبوع لقوه يشرب اثنين استغربو قالوله ليش تشرب اثنين قال لهم انا تبت بس اشرب على شان ربعي...........
- قروي سألوه وش اكبر مخلوقات الله؟ قال التراكتور .
- في واحد قال للثاني تعرف بيتهوفن قال أنا ما اعرف هوفن كيف تبغاني اعرف بيته
- في نمل كثير مشوا من تحت الباب الا وحده ليش؟خايفه على تسريحتها
- خمسه زهارين طلعو البر فقال صاحب السياره خلينا ننسم الكفرات عشان لا تغرز السيارة كل واحد نسم كفر دورو للخامس لقوه ينسم في الاستبنه .
- في دكتور قال للمرضه في أحد سأل عني ؟قالت له الممرضه سألت عنك العافية قال: خليها تتفضل .
- فيه زهارنه ياكلون البيتزا بالخبز ليش؟؟؟ يحسبونها شكشوكة
- في واحد قال لحرمته تعرفي ترسمي خطوط بالطول والعرض قالت ايوه اعرف قال لها ارسمي في ظهري المهم لمن رسمت قالت خلصت قلها رقمي المربعات المهم رقمتها قال لها شايفة رقم اربعه قالتله ايوه قلها حكيلي فيه .
- في اثنين محششين وقفو عند الجمارك قال السايق السلام عليكم رد اللي جمبه قال وعليكم السلام .
-دجـاجه شربت ماي مغلي على شان تبيض بيض مسلوق .
- فيه واحد محشش يمشي بالشارع طاحت منه عشر ريالات أبو الشباب نزل خمسمائة ريال وقال روحوا اضربوه وتعالوا .
- خبل سوا عمليه و لمن شافها نجحت ،، قرر يسويها مره ثانيه .
- واحد بغى يدخل بالموضوع شرا مفتاح .
- فيه احول سجل بالجيش حطوه في القصف العشــــــــوائي .
-في قروي اشترى سيارة مرسدس2002 وجاك في شارع مسدود مسرع وصدم الجدار ليش؟ عشان يقول الناس وين راعي السيارة .
- كان في أعمى صقع بالعامود قال ( الله لا يعمينا) .
- فيه قروي يطرد ورى سياره إسعاف يحسبها تقول ...قروي قروي قروي
- مره من مرات احترق بيت عتيبي وجت سياره الإطفاء وقال العتيبي علي الحرام ما تطفوا الحريق ألا بعد الغدا
- فيه واحد طلع له المارد وقاله اطلب قاله أبيك تجيب لي بنت من العقارية يوم تأخر المارد راح الرجال العقارية يشوف وش القصة ويلقى المارد والبنت مركبين في جمس الهيئه .
- فيه خكري مات أبوه لفه في قصديــــــر .
- في واحد قروي كان ماشي في الشارع دخل في رجله مسمار رفع رجله وضربها بقوة في الأرض وقال والله منت طالع
- في اثنين محششين في غرفه الأول كان حشران طلع الثاني وقفل باب الغرفه جاء الثاني وقضى حاجته في الجريدة يوم دخل الثاني قال في ريحه كريهه قال الأول لا يهمك بعد شوي تروح يوم فتح الثاني الجريدة قال الأول لا يهمك كلام جرايد
- في مطاوعه يلعبون كوره جاء واحد منهم ضرب الكوره بالعارضه وحسبوها هدف ليش؟يقولون إنما الأعمال بنيات .
- في نمله واقفه فوق جبل و رافعه رجلها ليش؟ تبي تطيح طيار
- قرويه أول مره تركب طياره جت الموظيفه تقدم الوجبات ...... القرويه تقلها والله يا وخيه لو درينا انا بنكلف عليكم ما جين .
- في قروي خش الحمام أخذ معاه سلّم ليــش؟؟؟ علشان تطلع الريحه .
- فيه احول لقى عشرين ريال طايحه بالأرض أخذها وهو يركض ويقول أربعين أربعين
- عربجي اكتشف ان عيونه خضر فقعه .
- فيه فيل تزوج نمله وش جابو؟؟؟؟؟فيل يقرص .
- وش وجه الشبه بين القروي العبقري وسوبرمان؟ كللهم خيال .
- في واحد أتزوج على مراته طلعت نفسها .
- فيه خكري شاف وزغة .. قال :"ياااي...تمساح .
- نملة تصرخ في الحمام ليش؟؟علشان دخل عليها صرصو .
- عجوز طاحت من الدرج قالوا لها عيالها سلامات يمه قالت بس شرايكم في الحركه .
- هذا في سياره مرسيدس وقفت عند بيت مهجور ليش؟ تبي تصير مرسيدس شبح .
- فيه اثنين على فوهة بير ويقولون تسع تسع تسع تسع تسع تسع تسع فمر من عندهم واحد وقال لازم اعرف ليش يقولون تسع فسألهم ماذا تفعلون فأخذوه ورموه بالبئر وقالوا عشر عشر عشر.
- نملتين راحو عند فيل قالوا له :بتتضارب ؟ قال الفيل :ما يصير 2على .
- فيه عجوز تلاحق نمله ليه ؟؟؟؟؟؟؟؟قطعت صلاته .
- وحده زوجها ثقيل السمع ارسلت له برقيه تطلب 1000ريال رد لها برقيه بالبريد السمتعجل يقول بها ....اشقلتي ما سمعت .
- في حرمه قرويه راحت للمدينه وشافت الجسور والكباري قالت الله يعز الحكومه اللي رفعت الشوارع عن الجهال .
- فيه عتيبي كريم مرة جاه الدكتور وقال له مبروك جاء لك توأم !!!!! من زود الكرم حلف على الدكتور بواحد من التوأم .
-أيها النادل هناك - بعوضة تسبح في حسائي - نعم يا سيدي الذبابة في إجازة اليوم .
- قروي قاعد يشتري بيبسي من مكينة البيبسي , وكل شوي يحط ريال وياخذ قوطي بيبسي , جا له واحد وقال له يالله ياخي خلصنا ابي اشتري أنا , عاد قال له الأول شف عاد لا تصجنا , دامي أفوز أبا العب فهمت .
- مرة واحد قال لصاحبه الشيطان بيأكل معاك فوضع سم في الأكل .
- في واحد بخيل قال لعياله اللي بينجح اوريه سيارة الاسكريم .
- فيه واحد نساي مره مل كل يوم ينسى المهم راح للدكتور وقال مشكلته قاله الدكتور خلك رافع يديك دقيقه وارجع لك قال زين ورفعها المهم جاء الدكتور قال ليش مانت رافع يدينك قال يووووه نسيت .
- في نملة دخلت البقالة انهارت ليش؟ لأنها شافت صورتها على مبيد الحشرات.
- صرصور ماشي زعلان سأله صاحبه ليش زعلان قال ابدا مافي شي بس الوالد بعافيه شوي مضروب بنعال - حلاق مودينه السجن ليش؟؟ ذابح قمل .
- في واحد راح للمرور يبي يغير لوحات سيارته وقال أبي لوحه مكتوب عليها أبو حمد قال العسكري ماعندنا إلا ثلاث حروف 'لكنه أصر عليهم وقال مابي إلا أبو حمد.وفي الأخير عطوه لوحه مكتوب عليها حمد.وبعد فتره شاف الرجال هذا لوحه مكتوب عليها أبو ظبي قال بينه وبين نفسه يلعن أبو الواسطة زي كذا .
- حشاش ضيع 100ريال في الضلما راح يدور لها تحت عامود النور .
- في بخيل اشترى ضحية العيد ولما ذبحها جمع أهل بيتة ووزع عليهم الحم وقال تعلموا يااولادى الاقربون أولا بالمعروف .
- في مغفل شاف عصافير حب على شجرة واحد أحمر والثاني أخضر مسك الأحمر وترك الأخضر ،ليش ؟؟ فكر الأخضر مانضج .
- واحد مسطول ماسك لوح ثلج !! ويقول نفسي أعرف من فين ينقط .
- فيه سجاره التزمت صارت مسواك .
- قروية تلحق صرصور ليش؟ تحسبه تمر .
- فيـــه واحد يـصـلـي وهو مرتــبك ليـه..لأنه مبرشم الفاتحة .
- قروي جاي من الديره شاف الأنوار في الشارع قال الله يعز الحكومة حتي الشمس حطوها في قوارير .
- فيه عجوز ما استحمت من مائة عام كشف عليها الدكتور لقى القمل يصلون الاستسقاء
- فيه عجوز تصحي ولدها الصباح تقوله : قم يا وليدي الشمس طلعت ، قال لها خلاص دخليها وسكري الباب .
- في مراءه سمعت صوت بالليل قالت لزوجها روح شوف يمكن حرامي قالها روحي انتي يمكن حراميه .
- عفريت طلع للوليد قال له اطلب وانا انفذ لك .. قال له الوليد .. اطلب انت
- الأم : هل ابنتي شاطرة في الدراسة ...المدرسة : ابنتك ضعيفة جداً جداً ... الأم : صدقيني إنها لا تأكل إلا قليلاً .
- في غرفه ثانيه بتبكي لييييه؟ ضربوها بويه .
- محشش ياكل تمر وكل ما خلص من وحده رماها في الجدار وقال ميييييييييين .
- في واحد احول حس بالبرد وهو نايم قام غطى اخوه .
- واحد قروى كان يجرى على الطريق السريع 00ليه؟00كان يريد ان يصوره الرادار .
- في واحد ظربته الشمس راح ينادي ربعه .
- في قروي سرق فواتير راح سددها .
- في قروي قال يبه أبي مدرس خصوصي قال ابوه انجح واجيب لك بدال الواحد اثنين .
- في قروين طلعو البر جابوا معهم سكر ليش؟ علشان يحلون الطلعة .
- عربجي شيب ابوه باعه في الحراج .
- اقيمت مبارة بين فريقين فريق الفيله وفريق النمل وفاز فريق النمل على فريق الفيله 2-1 فإعترض فريق الفيله على المباراه قالوا ايه النمل بيكاتشوا .
- فيه قروي على باله فاهم جو أهل المدن دخل مطعم هو وخويه المهم قال لخويه وش تبي من الأكلات قال خويه أبي سلامتك قال القروي بكتشب ولا بمايونيز .
- مره واحد محشش وقف عند لمبه بالشرع وقام يضرب براسه عليها لحد مانزل دمه مر عليه واحد ثاني محشش قاله وش فيك قال لي ساعة ادق الباب مافي احد يفتح قال غريبه مع ان النور شغال .
- مرة واحد قروي أتصل بمرتة وسألها كيف الكبريت اللي جبته لك قالت له والله كلهم ما تعمل قال لها كيف وان مجربه عود عود .
- في واحد طاح في حفره ولما طلب المساعده رموله حبل ولما طلعوه لقوه ميت ليه؟ربط الحبل في حلقه .
- مــــــره كذابين اجتمعو مع بعض قال الكذاب الأول للكذاب الثاني تشــــــــوف النمله اللي في راس الضلع البعيد هذاك قال الكذاب الثاني تقصد المفتحه عينها ولا اللي مسكره عينها .
- في خكري قاعد ياكل كليجا ،قال:ياي همبرغر قاسي .
- في واحد قروي سافر برا شاف ناطحه سحاب قال يلعن ابو الطبيعه يا شيخ
- مرة قروى سمعوا بموت ديانا عزوا البنك البريطاني .
- في أربع محششين كانوا واقفين في شارع العليا وقفوا لموزين وقالوله
شارع العليا لوسمحت السواق استغرب وسوى نفسه يسوق هنن هننننننننننننن بعدين قال لهم وصلنا عطوه 15ريال ونزلوا واحد منهم ضرب السواق على راسه وقاله ثاني مره لاتسرع .
في قروي تزوج قرويه وقالها وين تبين تروحين شهر العسل قالت له والله يمدحون اليورمارشيه
في اثنين صلع حكو في بعض طلعو شراره .
- في أم دخلت المطبخ لقت ولدها يقطع البصل وبنتها تبكي قالت لها ليش تبكين : قالت البنت اساعد اخوي في البصل هو يقطعه و انا ابكي0
- في فريق من النمل ومعاهم صرصور ليش؟؟؟ لاعب اجنبي .
- مرة واحد قال لزوجته اليوم العشاء برة راح ورجع شاف زوجته حاطة السفرة في الشارع .
- في عجوزه كل ماتدخل الحمام يجيها صرصار يقولها الله يازين اللي أحضرت راحت لشيخ وقالت له كل ما ادخل الحمام يجيني صرصار يقولي الله يازين اللي أحضرت فقالها لا تدخلي الحمام لمدة سنه فلما دخلت الحمام بعد سنه قالها الصرصار ياناسينا ياناسينا .
- نملة لابسة هافين رياضة لان عندها حصتين رياضة .
- فيه عبده جابت ثلاث عيال اثنين سود وواحد ابيض 0 ليش؟؟ خلص الحبر
- واحد خكري يبي ينتحر طلع فوق سياره صغيره جاه واحد مار قال اش فيك قال الخكري وخر ابي انتحر قاله المار انتحر من فوق عمارة 6 أدوار وألا 7 أدوار قال الخكري ليش تبيني أموت.
- فيه بعرصي نجح أعطاه أبوه جدار .
- يقولك فيه زول راكب سيارة كورلا وجنبه الحجه راكبه وشاف سياره بي ام دبليوا اخر موديل وفيها واحد وجنبه وحده زى القمر فقال فى نفسه شوف الحظ راكب بي ام وجنبه الشبح ...وأنا راكب الكورلا وجنبي الغوريلا
- واحد سافر علشان يشرب ولمن وصل للفندق كل يوم يشرب ثلاث بطول وسكي وسألوه الناس ليش تشرب ثلاثه كل يوم قال لهم اشرب واحد لي واثنين لربعي وبعد اسبوع لقوه يشرب اثنين استغربو قالوله ليش تشرب اثنين قال لهم انا تبت بس اشرب على شان ربعي............
- قروي منفلت ويجري بسرعه لييييش؟طالع من نكته .
- مره خروف ونعجه جالسين على البحر قالت النعجه:مبااااااع قال الخروف: عمري هالصوت .
- فيه واحد حط على السيارة برقع ليش ؟؟؟؟؟ علشانها بأسم أمه .
- في اثنين يحبوا بعض لكن بعض ما يحبهم .
- مرة واحد قال لابوه أعطيني خمسة ريال عاوز اعمل لفة أنا و أصحابي قاله خد ريالين و نصف و اعمل نصف لفة .
- واحد بلع صابونه لـــــيـــــش؟؟؟؟؟؟؟ يسوي غسيل معده .
- في شيء يلمع علي الجبل ليش ؟؟0طلعت نلمه زارعه ضرس ذهب .
- في بعير راح للجوازات ...وليه؟ يستقدم راعي .
- فيه أربعين خكري طلعوا للبر يوم وصلو قالوا : يوووووووه نسينا نجيب واحد يجسرنا
- في فلاح شاف ولد فوق شجرته قالوه ايش تسوي فوق يا ولد والله لقول لابوك رفع راسه الولد وقال يوبه يوبه في واحد تحت يبغاك .
-فى عجوز ناداها رجلها ياحصه ياحصه 00نزلت تركض على الدرج وطاحت وتكرفست على وجها قدام رجلها 00تفشلت 00وقامت قالت حلو ه الحركه يابو صالح .
- في اثنين قروه واحد في عمارة عشرة ادوار والثاني تحت في الشارع فالقروي اللي فرق يبغى ينادي اللي تحت بس مايسمعه فشافه واحد واعطاه منظار (دربيل) فصار يشوفه قريب وينادية بشويش .
- فيه قرويه ركبت ليموزين سألها راعي الليموزين وين تروحين يا خاله قالت يا زينك ما علمت زوجي تبي أعلمك .
- حـــــمار متلطم وقاعد فوق جبل ليه؟؟؟؟؟مسويلي فيها ذيب .
- صرصــور لابـس بشت ليش؟ رايح بالوعة الشيوخ .
- في وجبه لابسه حفاظه ليش......؟ وجبة طفل .
- فيه نملة تطالع جسمها في المرايه ! وتقول يا حراااام هالخصر على نملة
- مره كنت ماشي على رصيف المهم شفت قطو ينابح استغربت وسألته ليش تنابح ...قالي يا اخي واحد طفششششان عندك مانع .
- في شباب جالسين في شقه محششين شاف واحد قطه داخله وطالعه سالها تبين شي قالت ممكن اسال سؤال ؟؟؟؟ هي مياو ولا نياو .
- في واحد نذل وواحد حرامي النذل قال للحرامي علمني السرقة والحرامي قال للنذل علمني النذالة قام الحرامي سرق محفظة واحدة حرمة وقاله يالله علمني النذالة راح النذل صرخ بأعلى صوته حرامي حرامي .
- في مسابقة اطول مذكرة اللي كتب 100 صفحة واللي كتب 200 صفحة واللي كتب 300 وبعدين جوا عند واحد لقوه كاتب 500 صفحة تعجبوا الناس جوا يقرونها فتحوا أول صفحة لقوه كاتب (فهد ركب الحصان) وفتحوا أخر صفحة لقوه كاتب (فهد نزل من الحصان) وبعدين جوا يقرون اللي في الوسط ألا هو كاتب ترك ترك ترك ترك.............
- قروي دخل حمام أفرنجي أخذ معاه مترجم .
- في عربجي شرب جالون بنزين ليش ؟عنده حموضه .
- خكري دخل بقالة يبي ثلج قال لصاحب البقالة: ياي عندك ماء يابس .
- في واحد جالس يطالع في زيتونه سوده ليش؟يتذكر ايام الطفوله .
- في ثور قص اقرونه ليش ...داش التجنيد .
- ما هو وجه الشبه بين الملح والحريم؟كلهم يرفعون الضعط ..
- في واحد ولد قال لأبوه أنا حلمت أن دخلت في رجلي شوكة رد عليه أبوه تستاهل محد قال لك تنام وانت حفيان .
- قروي عطوه خوياه 500 ريال يبون شراب.وهو ماشي في الطريق شاف قدامه تفتيش شرطة قام ومزع الخمسمائة .
- في اثنين محششين الأول قال للثاني هل الثلوث يوافق الربوع قله الثاني لو ضغط عليه يمكن يوافق .
- فيه واحد قزم طاح من الدور العاشر تعلق بالرصيف .
- لكزس عام 2001 إذا بنشرت ينزلون اثنين قراوه ينفخون الكفر .
- في أب عنده ثلاث أولاد وبنت قال لأولاده الثلاثة اللي يبغى يتزوج ومستحي يحط شماغه ورى الباب وبكره أشوف اللي يبي يتزوج وجاء اليوم الثاني لقي الأب اشمغه أولاده كلها ورى الباب ومعاهم طرحه أختهم .
- اصفر صغير وخطير ماهو....؟ كتكوت شايل قنبله .
- اسود صغير وماهو خطير ماهو...؟ كتكوت انفجرت فيه القنبله .
- لاعب منحوس سجل هدف ، لما عادوه بالحركة البطيئه ، طلعت الكوره كورنر .
- واحد قصير أهله ما يخلونه يدخن في البيت ؟؟؟ يخافون يحرق الفرشة
- ثلاثة هنود يبون يشترون زعتر راحو البقاله وقالوا في خبز وسخ .
- في ثلاث صعايده يبغون يسرقون بيت الأول قال أنا ابغى أطق الحارس و الثاني قال أنا اللي بسرق و الثالث قال أنا براقب يوم راحو طبو من السور مالقو الحارس قالوا فشلت الخطة .
- واحد نادى على وحده وهو كان سرحا ن ويفكر وبعدين حس أن اللي كان يناديها جات عنده فقال انتي جي تي قالت لا قراندي ..
- فيه كيس طاير ليششش؟ هربان عن البلدية .
- واحد دق الباب يسـأل عن صاحبه. .قالت له مرته. .راح من ستة اشهر يجيب لحم ولا رجع. .قـال بــل . .ستة اشهر. .ايش سـويتوا. .قالت سـوينا دجاج .
- فيه قروي يبي يتحضر كتب على البعير تايوتا .
- احول اكتشف بعد 40سنة انه يصرف على جيرانه .
- في خكري ربى لحية طلع لونها وردي .
- سأل رجل من الأرض رجلا من المريخ:سمعت أن الدقيقه الواحده عندكم بمليون سنه عندنا قال رجل المريخ:نعم قال رجل الأرض:والجنيه عندكم بمليون جنيه عندنا قال رجل المريخ :نعم قال رجل الأرض أذن اعطني جنيها واحدا قال رجل المريخ:انتظر دقيقه واحده
- في ثلاثة محششين ركبوا هلكوبتر لما حسو بالبرد طفوا المروحه .
- في ثلاث حريم طاحو ابحفره وحده منهم اطلعت ليش ؟؟؟ اسمها شقحه .
- نملة اجوزت فيل بعد الزواج قال لها ما ننفع لبعض قالت له والفيل اللي في بطني
- ماهية قمة الإزعاج....اثنين هياكل عضمية يتصارعوا فوق لوح تنك...
- في واحد مسوي حاله عالم حشرات جاب ذبابة قعد يدربها يقولها امشي تمشي يقولها أوقفي تاقف قام وقطع أرجلها قالها امشي ما مشت فستنتج أن الذبابة إذا قطعت أرجلها تفقد حاسة السمع .
- واحد خكري حلق لحيته طلع مكانها ورده .
- فية كوري تزوج كورية جابو أربع كور وضربة ركنية وتسلل وفاول ورمية تماس وقووول .
- يقولك ولد طلب من أبوه البخيل خمسه ريال قام رد الابوا وقال وش أربعه ريال وش تبي بثلاثه ريال أنا معي ريالين تاخذ ريال .
- فية دجاجة طبخوها في الفرن بزيت شل سوبر سمعو أصوات تفحيط فكو الفرن لقو الدجاجة تفحط وتخمس وتجدع .
- فيه بعير يريد أن يتزوج غزاله قال البعير:أنا أريد أن أتزوجك:قالت الغزاله:إذا أردت الزواج مني أذهب إلى أهلي ذهب البعير للأهلها وقال لهم قال:والد الغزاله نحن مانزوج بدو .
- واحد ليل نهار يأكل فول قام ظهر له الشيطان وقاله يا أخي أنا مليت المره الجايه أما انك تغير الأكل أو انك تسمي .
- فيه واحد نذل و واحد مسكين محكوم عليهم بالإعدام راح القاضي وقال كل واحد يقول أمنيتة الأخيرة راحوا أسألوا المسكين قال :أتمنى أشوف أمي راحوا للثاني وقال أتمنى أنه ما يشوف أمه .
- في سيارة كانت جيعانه كلت مطب .
- في عجوز فوق جبل مر عليها واحد يبيع بطيخ ويقول بطيخ بطيخ قالت العجوز لاتخاف ما باطيح .
- في قروي قال لأبوه أبي ادرس بره ... قال له أبوه معليش بس انتبه ليكون بره برد.
- مره فيه خكاريه جالسين طرش عندهم واحد قالوا ياي حامل .
- واحد من شركه بيبسي كان يشرب كاكولا شافه المدير فصله .
- في صعايده اغرقوا ليش؟.......... وقف عليهم الطراد نزلوا يدزونه .
- في قروي طلق مرته ......قال لها زعلتي...
- واحد يبي يشوف نفسه لبس نظار .
- في واحد جاله توم قام ذبح زوجته قالوله ليه عملت كده قال اني فاهم الأول مني الثاني منين ؟ مني ؟؟!!!
- في عجوز راحت للدكان قالت له .. عندك طماطم ؟؟ قال إيه .. قالت حتى حنا عندنا ...
- في عمارتين سقطوا ليش ؟؟؟؟؟تعبوا من الوقوف .
- الأول :لماذا يلبس الحكم ملابس سوداء؟ الثاني:حزنا ًعلى الأهداف الضائع
- مره واحد راح على السوق .لما يرجع بأكمل قصته .
- رياضي كان يركض فجأة وقف ليش؟ دعس على علكة .
- واحد نام متأخر لقى الحلم باديء .
- جني مسوي رجيم ليش ...... يبي يدخل في منيره عاشور .
- في قروي اشترى اله حاسبه شال الصفر .
- واحد حب طحنوه .
- في زهراني وضع نعاله على باب الطيارة وعند وصوله الرياض خرج يدور عليه .
- ايش الفرق بين القروي الذكي والدينا صور الفرق كلهم انقرضوا .
- عجوز أرمله مريضه نفسيا ،قال الدكتور لولدها شوفولها واحد عمره خمسين وزوجوها إياه . راح ولدها يدور مالقا . ... قال لامه مالقيت يايمه واحد ابو خمسين . قالت له ؛ طيب ياوليدي شوف لي اثنين ابو خمسة وعشرين .
- قروية راحت المدينة تدور على القرويين ما لقيتهم ...قالولها إنهم وزعوهم على النكت
- واحد دخل الملعب ومعاه ملعقه . ليش .... عشان يحرك اللعب .
- فيه واحد قروي جايه الموت وهو طايح بين عياله وعياله يصيحون عليه وقام زعلان وطلع من البيت وقال الله يلعن اللي يموت عندكم .
- ليش الخاروف يقول ماااع مااع وهو مغمض عينه ؟؟ لانه حافظها عن غيب .
- في واحد دائما يعمل تحية قبل ان يفتح الثلاجة... ليش؟؟؟ لان ماركتها جنرال .
- ليش القروي يضع شراباته ليش؟شراباته وهو حر فيها .
- قروية تبي تقتل زوجها وضعت له مسدس في الأكل.
- في ديك مدمن أذن الفجر قال كوكائيين .
- الأول:وين رايح؟ الثاني رد: ماأدري..وأنت ..الأول ولا أنا أدري وين ...قال الثاني :عيل يالله حنروح قبل ما نتأخر

د.المستشار
04-10-2005, 06:15 PM
الأخ حديدي

تعبت وأنا أقرا فيها من أمس بس تدري حلوة...

تحياتي

alhadidi6
04-11-2005, 04:26 PM
ألف شكر أخي المستشار ويعطيك العافية

إبن العوالي
05-04-2005, 02:46 PM
شكرا اخ حديدي ..



إبن العوالي

محب أهل البيت
06-06-2005, 03:50 PM
أشكرك أخي الحديدي6 أنا مثل المستشار


ونسألكم الدعاء

ريم الولاية
06-06-2005, 06:13 PM
صراحة ماقريتها اخي / الحديدي

بس يالله مشكورويعطيك العافية واكيد راح يجي يوم واقرئها

تحياتي ,, ريم الولاية

alhadidi6
06-06-2005, 08:12 PM
ألف شكر أخواني اللي ردو ويعطيكم العافية


تحياتي الحديدي

MILANO
06-06-2005, 08:49 PM
في واحد أتزوج شغالتهم ليش ؟؟؟ عشان ياخذ الراتب


خخخخخخخخخخخخ والله انه مريض

مشكور اخوي

إبن الأستاذ
06-06-2005, 10:09 PM
يالله والله طووووووويلة
يعطيك العافية