المساعد الشخصي الرقمي

مشاهدة النسخة كاملة : من بعض ما كتبت هذي السنة


حيدري الخط
04-04-2010, 02:36 AM
بسم الله الرحمن الرحيم


اللهم صلي على محمد وال محمد وعجل فرجهم


في هذا العام بتوفيق من الله عز وجل وتسديد من ال بيت النبوة عليهم السلام وفقني الله وكتبت مجموعة قصائد في اكثر من مناسبة



واحب ان اورد بعضها هنا من باب ( أحيوا امرنا )


الاولى..
في وصول الامام الحسين عليه السلام الى ارض كربلاء

وهو فيها يخاطب زينب عليها السلام

فعندما وصلوا كربلاء وتوقف مهر الامام واذا بزينب عليها السلام تتعجب من الكآبة التي حواها هذا الوادي فيجيبها الامام عليه السلام قبل السؤال بقوله

هذي ارض الطف يا زينب


هذي ارض الطف يا زينب ... للحزن قومي انتأهب
بيها انتي تنولين ... وبيها نبقى مصرعين

مهر ابو اليمه توقف والشهيد بعينه دار ... نادى هالقاع اش اسمها بالله قولو يالنصار
نينوى والطف قالوا والها اسماء كثار ... كربلا والغاضرية وصاح يا قوم الخيار
بكربلا حطو ظعنا ... وخبروا زينب عن امرنا
وبالظعن نزلو بالحين ... وبيها نبقى مصرعين

نصبو الاطناب بيها ونادى بو القلب الحنون... بهالارض نبقى ضحايا ونجترع كاس المنون
بيها نتذبح ضمايا وهالنســــــا يتسـلبــــون ... ومن بعد جمعتنا في هذي الارض تتفرقون
كلنا بيها انتصرع ... وفي ثراها لينا مضجع
بيها كلنا ميتين ... نبقى بيها مصرعين

طب على الحورا خدرها واعلى وجهه بسمته ... ومن نظرها خايفه بالحال نزلت دمعته
ولن ابو فاضل ينادي وبيه ثارت نخوته ... لاتخافي وانا يمك وجذب سيفه بيمنته
والغريب بصوته ناده ... سمعي اخبار الشهادة
بيها اخبرنا الامين ... نبقى بيها مصرعين

يختي ياروح البتولة كفكفي جاري الدمع ... اسمعي مني كلامي وشيصير بهالجمع
ويا العدا يختي تروحي من بعد ما انصرع... والحزينة بصرخة صاحت من قلبها المنفجع
ويا العدا كلنا نساوين ... ليش وين رجالنا وين
ابقا وحدي بلا معين ... نبقى بيها مصرعين

كافلك يا روح حيدر يطيح يم المشرعة ... والعمد يفضخ جبينه والكفوف مقطعه
وعلي الاكبر يذبحونه تشوفي جثته موزعه... والعريس الحنه دمه ويبقى جثة مبضعة
وابقا وحدي بعده حاير ... بلا معين ولا مناصر
ويتجه نحو البين ... نبقى بيها مصرعين

صاح يا ريحانة المرسول من رب السما... جسمي اكفانه الترايب والغسل فيض الدما
حولي انصاري ضحايا وبالشهادة مكرما ... يذبحونا هالاعادي وبالقلب جمر الضما
وابني عبدالله اعلى متني ... ينقطع نحره بحضني
سهمه ثابت بالوتين ... نبقى بيها مصرعين

بعد ذبحي وذبحت انصاري على حر الثرى... تروحي مسبية يا زينب ويا اشرار الورى
يضربوك ويشتمونك والدمع حالا جرا ... خويه هذا يصير بيه وانا بضعة حيدرا
راحت ايام المهابة ... ولفت ايام الكآبة
يضيع عزي يا حسين ... نبقى بيها مصرعين


بقلم خادم اهل البيت / حيدري الخط






والثانية ..

هي عن لسان مولاتي جبل الصبر عليها السلام
فتعرف عما جرى عليها في حياتها من المصائب بقولها

انا زينب والمصايب شيبتني


انا زينب والمصايب شيبتني

انـــــا زينب والحزن ويــاي ســــار ... من بداية رحلتي بدرب الاعمار
وانــا زينب والـــــدي للحق منــــار ... والمآسي امن الطفولة صاحبتني

بداية الاحـــــزان ويــــاي بصــــغر ... جدي المختار وسدوه بقبر
وبـــــاب ال البيت بالنـــــار استــعر ... وكسر ضلع امي بهض قلبي وكسرني

وللقبر امـــي البتــــولة قوضـــت ... ماتت وجمرة كسرها ما طفت
وللحد بــالليـــل خفيـــة تشيـــــعت ... وبعدها الكوفة بمصايبها عمتني

ومن بعدهـــــا والـــــدي خير الانام ... بضربت الطاغي قضى بشهر الصيام
والحســــــن سمـــــوه اولاد الآم ... ودارت النوبة على حسين دهتني

وما بقالي غير ابو الاكبر ضـــــوا ...بدري العالي وخسف في نينوى
وذاك عزي بكربلا طــــــاح وهوى ... طاح وسيوف النوايب واجهتني

بالخدر والصـــــــون انـــا توصفت ... وعالدلال العالي انا تعودت
يا حسافة كلهـــــــــا أيـــام وقضت ... بالطفوف ايام عزي ودعتني

انا زينب وانحمل فوق العجـــوف ... بعد خدري صارت ستوري الكفوف
ادري ما يقدر ابو القلب العطوف ... ليت قبلـــه هالمنية عانقتني

ما قدرت انصب على حسين الحداد ... ميسرة حملــوني ارباب الفساد
انـا زينب والــــدي خيـــر العبـــاد ... ليت ابوية يشوفني الذله ولتني

انا زينب واهلي اربــــــاب الكرم ... آه راواني الدهر ذله و هضم
صارت ايام السعد كلهـــــــا حلم ... والمآسي بكل عزمها حاوطتني


بقلم خادم اهل البيت / حيدري الخط


واخيرا وليس اخرا

قصيدة كتبتها من جوار سيدي ومولاي ابو عبدالله عليه السلام في الاربعين

قصيدة خاطبته فيها قائلا

يبن حيدر والحزينة ... جينا ليك من المدينة


يبن حيدر والحزينة ... جينا ليك من المدينة
ويا العقيلة زائرين ... جينا يوم الاربعين

من المدينة يبو الاحرار اعتنيت ... عفت اهلي وداري وباحزاني جيت
قاصد لقبرك يبو اليمه لفيت
وبمدامعنا السخينة ... جينا ليك من المدينة
ويا العقيلة زائرين ... جينا يوم الاربعين

جينا وي جابر نزورك يا غريب ... ومثله فوق القبر بالون والنحيب
نشوف زينب جاتك بقلب لهيب
تصيح يا حامي الضعينة ... قوم ودينا المدينة
ويا العقيلة زائرين ... جينا يوم الاربعين

جات تبكي ولمقامك قاصده ... تصيح اريدك وبحياتي زاهده
ما اظن العيشه بعدك راغده
جاتك الحورا وسكينة ... وباقي النسوة الحزينة
ويا العقيلة زائرين ... جينا يوم الاربعين

فوق قبرك والهه تحن وتصيح ... وين قبرك يبن ابويه يا ذبيح
ارد اسويلك عزا وابني الضريح
رد يبو الروح الحزينة ... وقوم يا مهجة نبينا
ويا العقيلة زائرين... جينا يوم الاربعين

بقلم خادم اهل البيت / حيدري الخط





تقبلوا تحياتي
حيدري الخط

بنت التقوى
04-09-2010, 07:23 AM
سلمت يداك

أحسنتم موفقين لكل خير

المذنب العاصي
05-04-2010, 10:43 AM
لا حرمكم الله شفاعة الحسين عليه السلام ان شاء الله