المساعد الشخصي الرقمي

مشاهدة النسخة كاملة : فنون نق بعض النساء ... من الألف الى الياء ...


المذنب العاصي
05-06-2010, 09:18 AM
فنون نق بعض النساء ... من الألف الى الياء ...

الألف : أريد فلوس دأشتري هدوم

الباء : باجر لازم توصلني لبيت أهلي جيرانهم عندهم حفلة

التاء : ترى اليوم آني ممسوية عشة جيب وياك سفري.. لو تريد نطلع بره نتعشه؟

الثاء : ثلاث أسابيع ما طلعنا تمشينا يالله اليوم حظر نفسك تطلعنا

الجيم :جيرانا اشترو بيجو على الزيرو جديدة.. احم احم.. واحنا ؟؟

الحاء : حبيبى..اريد اغير ساعتي ,مليت من ساعتي

الخاء : خابر اهلك اليوم انت ماتروح يمهم ..انا عازمتك نتعشى بره, بس على حسابك

الدال : دور لنا على بيت على 3 شوارع شنو يعني بيت أخوك أحسن منا

الذال : ذيج السنة (قبل 10 سنوات) قلت لك اشتريلي سيارة وانت غلست

الراء : روح قدم على اجازة و خلينة نسافر لتركيا.. غيرنا مو احسن من عدنا

الزاء : زيد مصروف البيت يعني يادوب يكفي

السين : سنتين حابسني بالبيت .. رح اطك

الشين : شيل الولد شنو متشوفة كاعد يبجي؟ مو زين خلّفته؟

الصاد : صفط هدومك بمكانهم,مليت واني ارتب وراك

الضاد : ضاع عمري وياك .. ليش شفت شي من حياتي؟

الطاء : طلع الملابس وشرهن حتى ميروح عليّ المسلسل

الظاء: ظليت تسمع حجي اهلك .. شوف شصار بينا

العين:عيوني..اليوم.. حجت اختك وياية على التلفون ياربي على هاالنفسية التعبانة

الغين :غير يا اخي ها المواضيع .. انت ليش ما تكللي احبج ؟

الفاء : فهمت عليك لا تكمّل ( تقطعلة كلامه حتى تحجي شغلة براسها)

القاف : قدّر يا اخي شوية...كل شغل البيت على راسي..وانت شكو عليك يوميه طالع تفرفر

الكاف :كم مرة قلت لك أمك ماتحبني

اللام : ليش اهلك عزموا بيت اخوك وما عزمونا ؟؟

الميم : ما أجي وياك ببيت اهلك ..ما عزموني رسمي ..افتهمت؟

النون : نسيت انو باجر عيد ميلاد بنت اخويه؟

الهاء :ها ..اشو هم تأخرت ببيت اهلك؟

الواو : ولدت اخت بت خالة صديقتي.. شنوديلهم هدية؟

الياء : يلة ايدك على ورقة ($ 100) حلاوة المصالحة..لأنك زعلتني وكسرت خاطري

ساقي العطاشا
09-05-2010, 05:28 AM
حلوه اللهجة العراقيه خاصه لو فيها نق

مشكور اخوي

زهرةالليالي
09-07-2010, 09:58 PM
يسلمو
الله يعطيكم الف عافية