المساعد الشخصي الرقمي

مشاهدة النسخة كاملة : لو بكيفي .؟ ( قلبي ) محدٍ يدخلَهـ !!


أم الجواد
05-07-2010, 09:09 PM
قولي عادي.. بالي الليلهـ طويل ..
............ شُوفي لِك عذرٍ قديمٍ / وأقبِلَهـ !!


لا تخافي... قلبي مِتعَوِّد يشيل ..
............. الجُروح اللي تجي له مُقبِلَهـ ..


" طيبتي " صارت مثل كف البخيل
............ أيِّ شَي طايح .. تِشُوفـه ؟ تحمِلَهـ


و " عزِّتي " تقدري تِسَمِّيها : النخيل
............ لأني شامِخه .. والعواصف قاتِلَهـ


وعادي جداً .. إنِّي الليله عليل ..
............ الحزن : يحْسِبني واحدهـ مِنْ هَلَهـ !!


ومو غريبه .. لو تِمَنِّيت الرحيل
............. البقاء أحيان , يعني .. البهذلَهـ !!


في غيابك .. ما لَهَا الضيقهـ مثيل ..!
............. وربِّي اللِّي .. ما يشاءهـ , يفعلَهـ


مِنْ يلاقي لـ دنيتي هذي بديل ..؟
.............. خل يجيني أي شخص .. أبَدِّلَهــ


وعيب راسي لا بغى شي " مستحيل "
.............. يوصلهـ مو طيب .. غصبٍ يوصلَهـ


ليه راجعه ؟! ليه ذاكره ..؟ يـ الأصيله ..؟؟
................ إنتي ضايقه.. ؟!في خطأ بالمسألَهـ !!


وليه تبكين مِنْ كلامي يـ الدخيله ..؟
............... المشاعر .. ما لَهَا بقلبك صِلَهـ ؟!


و البلا .. إن حَبْ أنسانه " ثقيله "
.............. ينسى مِن حُوله ويسْمَع مُذهلَه !!


مِن عرفتك .. ما بقى بـ اليَد .. حيل
.............. ولو بكيفي .؟ قلبي محدٍ يدخلَهـ


ومِن عرفتِك .. حظِّي العاثر يميل ..
.............. أعترف لِكْ إنِّي عاجز أعدِلَهـ !!


فاقد الإحساس / ما يعطي القليل
............... وإن عطيته إحساس قلبك ؟ يقتِلَهــ !!


إيه بـ أرحل والطريق أدري .. طويل ..
............... مشكلهـ " قربك " .. وبُعدِك مشكلَهـ .!!.


وإن خذاني المُوت إترك قالٍ وقيل ..
............. قول هـ الجُملهـ .. وخطاك (أمحلِّلَهـ


ربِّي ألهَم أهلهـا الصَبر الجَميل ..

.........

وإرحمـهـا يا رب وإحسِن مدخلَهـا!!!