المساعد الشخصي الرقمي

مشاهدة النسخة كاملة : آيام الشقاوة وذكريات الطفولة


زهرةالليالي
09-02-2010, 03:40 AM
بسم الله الرحمن الرحيم

هذا الموضوع كنت حاطته في منتدى ثاني ولقى تفاعل حلو
بشوف كيف يكون تفاعلكم وياي


ذكريات الطفولة........آيام جميلة بما تحمله بين طياتها
الآيام تمر وتمر السنوات وتنقضي واحدة تلوى الآخرى وتتعدد
الأحداث في حياتنا وتكبر عاما بعد عام
ولكن يبقى الحنين الى الماضي .........الى الطفولة....الى البراءة....الى اللعب
الى المشاجرات ......الى الشقاوة
في عقولنا ذكريات جميلة عن الماضي لاتنمحي من ذاكرتنا
نتذكرها ونتمنى ان نرجع اطفالا لنعيشها مرة اخرى
ما رايكم ان نفتح صندوق ذكريات كل منا ونبدأ معا نسترجع ذكريات الطفولة
وتخط اناملنا احلى المواقف
وما الاشياء التي يحن لفعلها؟؟؟
ويش رايكم نختار اول وحدة تفتح الينا صندوق ذكرياتها
أم الجواد
والدور جاي على البقية
اتمنى من الجميع التفاعل معي

عاشق الجواد
09-03-2010, 08:21 AM
ان شاء الله مايجي دوري

هههههههههههه

تسلمين زهره

زهرةالليالي
09-04-2010, 04:44 AM
تدري أخوي
مادام قلت كذا
يعني أنت كبش الفداء
يالله سدح إالينا شوي من شقاوتك وأنت طفل

بانتظارك أنت
ترى ما نسينا أم الجواد

أم الجواد
09-08-2010, 04:48 AM
شو ؟
اللي مانسيتينه ؟

أسفه غناتي والله ماانتبهت للموضوع طفولتي بكل مافيها حلوه
بما اني الوحيد عند اهلي فانا مدلـله من الكل
والكل يطلب رضا ام الجواد
من جدي الا اصغر واحد بالعائله
تسلمين يالغلا على الطرح
واتمنى انك تلاقين كبش فداء غيري
وتسدحينه بالموضوع
ايااااااااااااااااااااام وذكريات قديمه حلوه

زهرةالليالي
09-08-2010, 05:01 PM
بما انكم مستحيين تقولوا الينا شوي من شقاوتكم
بعرض اليكم شوي من بلا ستي لما كنت صغيرة
علشان تتشجعو وتحطوا الينا شوي من عندكم


انا والعياذ بالله من كلمة انا
ما اقول شقاوة بس ذكريات
لأني اسم الله عليي خيرة شوي:36_2_55:
ماليي سوابق
الله يسلمكم يامحافيظ السلامة
اني خواتي لعبنا كل آخر الليل
يعني بعد مايناموا الوالدين
طبعا قبل ما ينام الوالد نسوي روحنا غرقانين في النوم ونحلم:36_2_63:
ومن يروح غرفته ويطفي كل الليتات
على طول نقوم نطفر :11retcher من اسرتنا
ونحط الينا مشمر تحت الباب علشان يبين من بره ان الليت مطفي
وعاد شوفو ويش نقرر نلعب؟؟؟؟
عاد وهالغرفة مرة نقلبها ملاهي يعني مثلا نركب فوق الكبت ونط على السرير
على سالفة النطة
ويلي ذكرت موقف صار ليي
داك اليوم عاد اسوي روحي جنقر
قاعدة اقول جنقر جنقر البطل الجبار وانط على داك السرير
في السرير ما انتبهت ان فيه ابره وتدخل تلات ارباعها في ارجولي وبغيت اموت:pleure:
وطبعا حابسة صريخي علشان البابا ما يسمعني
نزلت لجدتي وشالت البراه
عاد ولا هونت بس مرة ثانية صرت اتأكد قبل ما اطب
ومرة نقلبه معرض ود سالم للفياب
نطلع ملابسنا تقريبا كلها ونحطها في علاقات نحطهم على الليتات
ونسوي الينا عصاة بروش ونرز فيها مسمار
وتجي وحدة من خواتي يعني مرة تشتري ونزل اليها من اللي فوق يعني البايع تراه هندي بعد
ونعفس ديك الغرفة عفاس لكن نستمتع الآول في اللعب وبعدين اعادة الآشياء كلها مكانتها
ونتعب وننام
ماتجي الصبح الا ولا شي كنه صار
وهكذا كل ليلة لعبة جديدة
نسلي روحنا بعد ويش نسوي ما يخلونا نطلع
اذا تذكرت شي بكتبه يالله عاد انا ابتديت والباقي عليكم