المساعد الشخصي الرقمي

مشاهدة النسخة كاملة : اللي يودك مايـرى فيـك عـذروب


ولدالمدينه
10-06-2010, 04:37 AM
وش كثر تخدعني المظاهر ولااتـوب

ماكنهـا مـرت علـي التجـاريـب






العين ماتكشف لك اللي ورا الثـوب


كلن يظن ويخطـي الظـن ويصيـب






كم واحدن يعطيني الهـرج مقلـوب


وانا اعتبرته من خيـار الاصاحيـب






الفرق بين الناس في عقول وقلـوب


وأسرارهم يعلم بهـا عالـم الغيـب






اللي يودك مايـرى فيـك عـذروب


واللي شناك يحـط فيـك العذاريـب






إن كان شفت انك من العقل موهوب


لاتستمـع لمروجـيـن الأكـاذيـب






كم من حديث قـد لقينـاه مكـذوب


عن النبي اللي منـزه عـن العيـب






العبد فـي دنيـاه غالـب ومغلـوب


والعمر جـاري والليالـي دواليـب






نجمع مع الأيـام حسنـات وذنـوب


والستر ضافي والعبر في العواقيـب






إصبر على الدنيا ترى الصبر مطلوب


واستخدم الحكمة وحسـن الأساليـب






واحذر تلج عواك في كـل عرقـوب


محدن بقايل ويش مسريـك ياذيـب






لا يعتريك الهـم والـرزق مكتـوب


مضمون لك مافيـه شـك ولاريـب






والنفس لاتارد على كـل مشـروب


حتى توردهـا لصافـي المشاريـب






لاتندفع معهـا ورى كـل محبـوب


وتعلقـك بحبـال الآمـال وتخيـب






الناس قالوا كـل مطـرود ملحـوق


والعاقل اللي يشغل النفـس بالطيـب





ِ

إن كان ماتحسب ترى العمر محسوب
في كل يوم تطلع الشمـس وتغيـ

زهرةالليالي
10-16-2010, 04:42 AM
صح لسانك
لا عدمناك

ولدالمدينه
11-15-2010, 05:10 AM
صح لسانك
لا عدمناك

يعطيك العافيه عزيزتي

على مروركى المميز



تحياتي لكى

أم الجواد
11-18-2010, 06:02 PM
كلمات بالصميم سلمت يمناك على ماخطيته
من ابداع وانتقاء جميل

ولدالمدينه
12-15-2010, 02:20 AM
كلمات بالصميم سلمت يمناك على ماخطيته
من ابداع وانتقاء جميل

يعطيك العافيه ام الجواد

وفقك الله لما يحبه ويرضاه

تحياتي