لاغاب صوتـك طـاري الشـوق ماغـاب

[أم الجواد]

لاغاب صوتـك طـاري الشـوق ماغـاب
واشفق علـى همسـك ، ولـذّة طواريـك

وحكـي الغـرام ، ومسمعـي منـك لاذاب
واحلامـك الورديـه ، وصـدق امانـيـك

وحَضـن النـدى للزهـر باسبـاب العتـاب
ومجـادلـك ، ومعـانـدك أو تـحـدّيـك

إنـي حياتـك .. والرجـا بــي مـاخـاب
وإنـي أحبـك مـوت .. واتبـع خطاويـك

واقـول : أنـا بتعبـك فـي درب الاحبـاب
دامـك ضيـاء الـدرب والحـب يضـويـك

لانـك حياتـي ياغناتـي وانــا كـتـاب
وحـروف اسمـك تسكـن اوراق مغلـيـك

أحيان .. يعزف بك غـلا .. يقفـل ابـواب
وأحيـان .. يعـزف بـك إذا مـر طاريـك

مـن الولـه مايسكـب اكـواب واكــواب
حلو المعاني مـع صـدى عـزف هاويـك

واسقيك عـذب الشعـر واسقيـك ماطـاب
مـن الكـلام اللـي تحـبـه ويرضـيـك

ونسهر على بيـض النوايـا ، والإعجـاب
والشـوق ، والحـب الحقيقـي ، واغانيـك

لكن متى ترجـع .. متـى الدمـع ينسـاب
وينك تـرى طـول مفارقـك .. وش فيـك

تعـال .. أبحكيلـك .. معـانـاة الغـيـآب
تعال .. أبشكيلك .. عنـى .. شـي يعنيـك

قلب ٍ عطى كـل البشـر كلمـة .. اغـراب
وسمّاك بـس انـت القريـب .. وحواليـك

طارت من اعماقه .. أحاسيسـه .. اسـراب
وصرت السما .. لاصدق أحاسيس .. تغنيك !

لايطول غيابـك .. تـرى الشـوق ماغـاب
وببقى كذا .. مشتآق .. ليـن التقـي فيـك ..

[نسيم البقيع]

الله يجمعك في محبوبك
وتسلمين عالكلام العذب

بس أتمنى ماتختارين هذا اللون مره ثانيه عشان
مانصير عمي.وشكرآ

[أم الجواد]

نسيم البقيع



الله يجمعك في محبوبك
وتسلمين عالكلام العذب



غناتي والله ربي يسمع منك

بس أتمنى ماتختارين هذا اللون مره ثانيه عشان
مانصير عمي.وشكرآ

تامرين امر غناتي اخر مره انا مااحبه بس وربي بالغلط جا معي هالللون
أنا بعد مااشوفه


الله يجمعك في محبوبك
وتسلمين عالكلام العذب

بس أتمنى ماتختارين هذا اللون مره ثانيه عشان
مانصير عمي.وشكرآ
وأعتذر
وتسلمين ع المرور

[فـداكـ ياحـوراء]

يسلمووو ع الشعر وربي يجمعك مع محبوبك ويجمعني انا بعد مع محبوبي

[أم الجواد]

يااااااااااااااااااااااااااااااااااااااااااااااااا اااااااااااااااااااااااااارب فداك ياحوراء
تسلمين غناتي على المرور
عن جد اسعدتيني بتواجدك