المساعد الشخصي الرقمي

مشاهدة النسخة كاملة : قصيدة لميلاد الرسول والامام الصادق عليهم السلام


مرتضى
02-17-2011, 07:45 PM
بسم الله الرحمن الرحيم
السلام عليكم ورحمة الله وبركاته
**
بنور المصطفى تضوي ليالينه
تشع ألليله لنوار بسادس نور الأطهار
***
ألليله بسمه اسمع تغاريد
ألليله تجمعت أعظم مواليد
ألليله للفرح خل نعلن العيد
وطلب يل محب هليله شتريد
فتح باب العطاية اليوم بارينه
بفضل مولد المختار وسادس نور الأطهار
بنور المصطفى تضوي ليالينه
***
محمد يا نبي الرحمة والأخلاق
ألك يهتف نبض كلبي بل أشواق
ويل نورك فتح عل دنية أفاق
فرحان القلم ويهني الأوراق
ألليله اكتب قصيدة بفضل هادينه
وسمع مني الأشعار بسادس نور الأطهار
بنور المصطفى تضوي ليالينه
***
هنياله ألمشه لرض المدينه
يهني فاطمة بمولد نبينه
ويطش للفرح وردة حنينه
فوك ارض البقيع تصير زينه
رحمة امن الإله اليوم والينه
خمد مسعاها الأشرار بسادس نور الاطهار
بنور المصطفى تضوي ليالينه
***
نور امن ألسمه شع للهداية
ومحمد منهج التوحيد رايه
وبحقه سور نزلت وايه
غسل وجه الظلام اليوم مايه
أحله امن العطر شعت رياحينه
وأهل العلم تحتار بسادس نور الاطهار
بنور المصطفى تضوي ليالينه
***
ألليله بل فرح نبعث تهاني
للأمام القائم وأعظم أماني
من نبض الكلب يهتف حناني
من نهج الرسالة الخير اجاني
كلب ولسان نهجك تدري حبينه
نهج حيدر الكرار بسادس نور الاطهار
بنور المصطفى تضوي ليالينه
***
وبهذا الفرح فرحانه الاملاك
كعدت بل حفل وتصفك اهناك
لأن شافت القائم حاضر وياك
واول ما بدء جبريل هناك
وكل شيعي ينادي اليوم حامينه
يحرم يدخل النار بسادس نور الاطهار
بنور المصطفى تضوي ليالينه
***
خادمكم
مرتضى الشيخ راضي الدراجي

ابونرجس
02-18-2011, 01:03 AM
متباركين اخي مرتضى بالمولد الشريف

تقبل الله اعمالكم

وكل عام وانتم بالف خير

اخوك ابونرجس

عاشق الجواد
02-19-2011, 08:26 AM
مبارك عليكم المولد وقصيده رائعه في حق سيد البشر محمد صل الله عليه واله

الحوراء
02-23-2011, 07:18 AM
متباركين جميعاً بالمولد