المساعد الشخصي الرقمي

مشاهدة النسخة كاملة : ابيات لزيارة الرسول الاعظم


diver1042
08-26-2011, 02:32 AM
ابيات لزيارة الرسول الاعظم
يلي تشد لرحال وشايل للضعينه
عرج لرض طيبه وزور اهل المدينه
زور الكريم اهناك رسول الله وحبيبه
روح وتوسل بالنبي وبنته النجيبه
اصرخ باعلى الصوت يبوا الزهرا النجيبه
اسمع الى نجواي ادومعاتي سكيبه
اشكي لك الحال يمدفون ارض طيبه
وانخاك تشفع لي ينور الله وحبيبه
بيوم الحشر بوقف يالهادي غريبه
لااهل لااحباب وبحاله عصيبه
ذنوبي على ظهري وساعاتي صعيبه
احاتي وقت لحساب والنيران اللهيبه
انظر يميني ويسرتي ودمعاتي جريه
وانخي برسول الله سلطان البريه
اناديك يالمحمود في السبع العليه
احضر الى يوم الحشر واشفع اليه
بحق البتول الطاهره الزهره الزكيه
مكسورة الضلعين الحوره الهاشميه
وبحق ابوالسبطين الحافظ للوصيه
ابن عمك الكرار ابو النفس الابيه
بحق الحسن المسموم من اهل الدعيه
وبحق الذبيح حسين بأرض الغاضريه
وبحق الايمه الطاهره التسعه سويه
هم اوليائي وحصني بهم ملتجيه
تمـــــــــــت
غمض اعيونه النبي والكون صار ابزلزله
والخلق باللطم طلعت والنوايح معوله
اه من دخلت اعلى الرسول اوشافته
منخطف لونه يشيعه السم غير حالته
افتجعت اوناحت لبوها الدمعها نثرته
اوضجت الاملاك معها بالنياحه معوله
اعولت لملاك لجله اوفترت من السجود
وانصبت ليه المواتم من رحل سر الوجود
اه لبو القاسم توفى واندفن وسط اللحود
والوصي المرتضى يبكي اودمعه يهمله
صاح ابوالحسنين ودموعه ابوجناته تخر
اوداعة الله اوياك بامشي ياعزيزي للقبر
دايم اتوصي يبن عمي ابغسلك والصبر
قام ابو الحسنين ايغسله اودمع عينه يهمله
شافت الزهرا ابوها اونصبت اعليه العزاء
ريتها حضرت لبنها المات ماحد جهزه
اوشافت النسوان يمه والشعور امجززه
والشمر يضرب السكنه اوهيه تبكي معوله
اتصيح ابويه اقعد اوعاين حالي يم جثتك
عالثرى ناين يبويه القوم سلبوا نسوتك
والشمر نسل الخنا يضرب يبويه اعزيزتك
هونت كل المصايب هالمصيبه ابكربلاء
تمــــــــــــت

إبن العوالي
10-12-2011, 11:58 AM
بسم الله الرحمن الرحيم
اللهم صل على محمد وآل محمد وعجل فرجهم وسهل مخرجهم

يعطيكم العافية على هذه المشاركة الرائعه حقا

إبن العوالي

زهرةالليالي
10-29-2011, 05:38 AM
الله ما اروع هذا الكلام
اللهم اجعل لكاتب هذه الكلمات
اجعل عن يمينه نورا
وعن شماله نورا
ومن فوقه نورا
ومن تحته نورا
اللهم اغفر له في المهديين
واغفر لنل وله يا رب العالمين